ئیران و سووریا چەندین رێککەفتنێن نوو ئیمزا دکەن
ئەڤرۆ نیوز:
ل گۆر راپۆرتەکا ئاژانسا فەرمی یا حوکمەتا سووریێ (سانا) دوهی د سەرەدانا جێگرێ سەرۆک کۆمارێ ئیرانێ ئیسحاق جیهانگیری بۆ شامێ دا ١١ رێککەفتنێن نوو د بیاڤێن ئابووری، سیاسی، سەربازی دا هاتینە ئیمزاکرن و ئیرانێ دڤێت پشتی ب دووماهی هاتنا شەرێ ل سووریێ ژی پەیوندیێن خوە ل گەل شامێ بهێزتر لێ بکەت.
ئەو یەک د دەمەکێ دایە کو روسیا ل دژی بهێزبوونا پێگەهێ ئیرانێ ل سووریێ یە و بەری چەند رۆژان ژی پەیڤدارێ سەرۆک کۆماریا روسیا دیار کربوو ئیران ل سووریێ هەڤپەیمانا مە نینە و دڤێت هەر رۆژەکێ هێزێن خوە ژ سووریێ ڤەکێشیت.
