ئیران چاڤەڕێی بەرسڤا ترامپی یە
وەزیرێ دەرڤە یێ ئیرانێ راگەهاند کو وان دڤێت ب رەنگەکێ راستەوخوە ل گەل ترامپی دانوستاندنان بکەن و پرسێن هەی ژی ل گەل ئەمریکا چارەسەر بکەن، نها وەکو ئیران ئەو چاڤەرێنە پشتی دۆنالد ترامپ وەکو سەرۆکێ ئەمریکا دەست ب کارێ خوە بکەت بەرسڤا ئیرانێ بدەت.
عەباس ئێراقچی ئەو یەک ژی دیار کر، بەرنامێ ئەتۆمی یێ ئیرانێ چو دەمەکێ نابیتە مەترسی بۆ ئەمریکا یان ژی وەلاتێن دی یێن جیهانێ.
ل ئالیێ دی بەری چەند رۆژان مارک روبیۆ سیاسەتمەدارێ ئەمریکی کو دهێتە چاڤەرێکرن وەکو وەزیرێ دەرڤە یێ ئەمریکا د کابینەیا ترامپی دا دەست ب کارێ خوە بکەت بۆ دەزگەهێن راگەهاندنێ دیار کر، ئەو دێ سزایێن ل سەر ئیرانێ گەلەک توند کەن و دبیت پشتی دەمەکێ رژێما نها یا ئیرانێ نەمینیت، چونکی دێ گوهۆڕینێن گەلەک مەزن ل رۆژهەلاتا ناڤین روو دەن و دڤێت هەموو وەلاتێن دەڤەرێ ژی ڤێ یەکێ بزانن.
