ئیران: چو دانوستاندنان ل گەل ئەمریکا ناکەین
پەیڤدارێ وەزارەتا دەرڤە یا ئیرانێ دیار کر، ژ ئاخڤتنێن سەرۆکێ ئەمریکا دیار بیت نیەتا وان یا خرابە، وەکو ئیران مە بەری نها ژی دیار کریە ئیران دێ دەمەکێ ل گەل ئەمریکا دانوستاندنان کەت، کو چو ئێرش ل سەر ئیرانێ نەهێنە کرن، لێ نها تشتەک وەسا نینە و د دەمەکێ وەسا دا ئیرانێ ژی نەڤێت ل گەل ئەمریکا چو دانوستاندنان بکەت.
سەبارەت ب گەفێن ڤێ دووماهیێ یێ ترامپی ژی ئیسماعیل بەقایی دیار کر، هەکە ڤێجارێ ئێرشی ئیرانێ بهێتە کرن دێ بەرسڤا ئیرانێ گەلەک یا دژوار بیت، دڤێت ئەمریکا دەست ژ گەفان بەردەت و هەروەسا گرنگە رێ نەدەت ئسرائیل ژی ئێرشی ئیرانێ بکەت، چونکی ئەو یەک دێ مەترسیێن خوە یێن مەزن بۆ هەموو دەڤەرێ هەبیت.
پەیڤدارێ وەزارەتا دەرڤە یا ئیرانێ ئەو یەک ژی نەڤەشارت ئیرانێ دڤێت ب رێیا دانوستاندنان هەموو پرسێن هەی چارەسەر بکەت، لێ دڤێت ئەمریکا ژی راستیێن هەی قەبوول بکەت و گەفان ل ئیرانێ نەکەت.