ئیران: چو راستی بۆ ئاخڤتنێن سەرۆکێ سازیا ئەتۆمی نینن
ئەڤرۆ
رافایل گروسی سەرۆکێ سازیا ئەتۆمی یا جیهانی پشتی سەرەدانا خۆ یا بۆ تەهرانێ د داخۆیانیەکێ دا بۆ دەزگەهێن راگەهاندنێ دیار کر، ئەو و ئیران رێککەفتینە کامیرێن چاڤدێریێ ل گەلەک بنگەهێن ئەتۆمی یێن ئیرانێ بهێنە بجهکرن و وەسا ئەو دێ شێن چاڤدێریا چالاکیێن بەرنامێن ئەتۆمی یێن ئیرانێ کەن.
ل ئالیێ دی بێهروز کەمالوەندی پەیڤدارێ سازیا ئەتۆمی یا ئیرانێ راگەهاند، چو راستی بۆ ئاخڤتنێن گروسی نینن و ئیران ب چو رەنگەکێ رازی نابیت چاڤدێریا بەرنامێن وان بهێتە کرن، هندەک خال هەنە ئیرانێ بەری نها ژی رازیبوونا خۆ ل دۆر وان دیار کریە، لێ گەلەک خالێن دی هەنە ناهێنە قەبوول کرن.
چاڤدێرێن سیاسی ژی دیار دکەن پشتی سەرەدانا ڤێ دووماهیێ یا سەرۆکێ ئاژانسا ئەتۆمی یا جیهانی دێ پەیوەندیێن ئیرانێ ل گەل وەلاتێن ئۆرۆپا ئالۆزتر لێ هێن و دهێتە چاڤەرێکرن سزایێن نوو ل سەر ئیرانێ بهێنە سەپاندن.
