ئیران ژ رێککەفتنا ئەرمەنستانێ و ئازەربایجانێ یا دلگرانە
ل کۆچکا سپی یا ئەمریکا رێککەفتنەکا دیرۆکی د ناڤبەرا هەر دو وەلاتێن ئازەربایجان و ئەرمەنستانێ دا هاتە ئیمزاکرن و هەر دو وەلاتان ب ڤی رەنگی دووماهی ب شەڕ و ئالۆزیێن چهل سالێن بۆری سەبارەت ب هەرێما قەرەباخێ ئینان و سەرۆک کۆمارێ ئازەربایجانێ و سەرۆک وەزیرێن ئەرمەنستانێ ژی دیار کرن ترامپی ژ بۆ ئاشتیا د ناڤبەرا وان دا کارەک گەلەک مەزن کر و دڤێت خەلاتێ نۆبل یێ ئاشتیێ ب ترامپی بهێتە دان.
ل ئالیێ دی بەرپرسەکێ ئیرانێ کو نەخواستیە ناڤێ وی بهێتە ئاشکرا کرن بۆ ئاژانسا رویترز یا نووچەیان دیار کریە، رێککەفتنا ئازەربایجانێ و ئەرمەنستانێ ژ بۆ ڤێ یەکێ هاتە کرن دا هەر دو وەلات بەرێ خوە بدەنە ئۆرۆپا و ئەو یەک پێنگاڤەکا دی یا ئەمریکا و ئسرائیلێ یە ژ بۆ لاوازکرنا ئیرانێ و رۆسیا، د پاشەرۆژێ دا دێ ئەنجامێن وێ رێککەفتنێ پتر دیار بن.
