ئیران ژ رێککەفتنەکا ئیسرائیلێ و روسیا دلگرانە
ئەڤرۆ نیوز:
پەیڤدارێ وەزارەتا دەرڤە یا روسیا دیمیتری پیسکۆڤ راگەهاند کو ئیسرائیل و روسیا ل دۆر پرۆژێ نوو یێ روسیا بۆ سووریێ رێککەفتینە، ئەو پرۆژێ کو بەری نها سەرۆکێ روسیا ل دۆر هندێ داخۆیانی دابوو کو دێ ل گەل چەندین وەلاتان وەکو گرۆپەک پێکڤە بۆ چارەکرنا قەیرانا سووریێ کار کەن.
ل ئالیێ دی چەندین دەزگەهێن راگەهاندنێ ژی دیار کربوون کو ل گۆر پرۆژێ روسیا دڤێت هەموو هێزێن بیانی ب تایبەتی ژی هێزێن ئیرانێ ژ سووریێ دەرکەڤن و ئیران ژی ژ هندێ دلگرانە و بەرپرسێن ئیرانێ دبێژن روسیا خیانەت ل مە کریە و ل گەل ئیسرائیلێ رێککەفتیە.
