ئیران ژ نەچاریێ دێ دەست ژ پشتەڤانیا حوسییان بەردەت
بەرپرسەکێ ئیرانێ کو نەخواستیە ناڤێ وی بهێتە ئاشکرا کرن بۆ رۆژناما تیلگراف یا بریتانی دیار کریە، فشارێن ئەمریکا و ئسرائیلێ ل سەر وەلاتێ وان گەلەک زێدە بوویە و هەروەسا وەلاتێن ئێکەتیا ئۆرۆپا و رۆسیا ژی پشتەڤانیێ ل ئیرانێ ناکەن و ژ بەر ڤێ یەکێ ژی ئیران د پێنگاڤا ئێکێ دا بۆ رازیکرنا ئەمریکا بەرهەڤە دەست ژ پشتەڤانیا حوسیێن یەمەنێ بەردەت و هەموو هێزێن خوە ژ وی وەلاتی ڤەکێشیت.
هەمان بەرپرسی ئەو یەک ژی دیار کریە، دبیت ئیران یا رازی بیت کو حەشدا شەعبی ل ئیراقێ بهێتە هلوەشاندن، لێ جارێ ئەو یەک د رۆژەڤێ دا نینە و نها ئیرانێ دڤێت ب هندەک پێنگاڤان ئەمریکا رازی بکەت دا ئێرشی ئیرانێ نەکەت، چونکی ترسەکا مەزن ل دەف بەرپرسێن ئیرانێ هەکە کو ل گەل ئێرشەکا هەڤپشک یا ئەمریکا و ئسرائیلێ خەلک ژی ل دژی دەستهەلاتێ خوەنیشادانان بکەن.
