ئیران: کار بۆ دروستکرنا چەکێ ئەتۆمی ناکەین
دەمەکە هندەک ژ دەزگەهێن راگەهاندنا ئەمریکا دبێژن چ نەمایە ئیران ببیتە خوەدانا چەکێ ئەتۆمی و هەکە ئیران چەکی ئەتۆمی دروست بکەت ئەو یەک دێ بیتە مەترسیەکا گەلەک مەزن بۆ وەلاتێن رۆژهەلاتا ناڤین ب تایبەتی ژی ئەمریکا و هەڤپەیمانێن وێ.
د ڤێ دەربارێ دا دوهی ناسر کەنعانی پەیڤدارێ وەزارەتا دەرڤە یا ئیرانێ راگەهاند، ئیران ب چو رەنگەکێ کار بۆ درستکرنا چەکێ ئەتۆمی ناکەت، بەری نها رێبەرێ شورەشا ئیسلامێ یا ئیرانێ دیار کریە، د بەرنامێ وان دا نینە چەکێ ئەتۆمی دروست بکەن، لێ ئەمریکا و هندەک ژ وەلاتێن رۆژئاڤایی بابەتێ چەکێ ئەتۆمی وەکو کارتەکێ ل دژی ئیرانێ بکار دئینن، ئەمریکا دڤێت رەوشا دەڤەرێ بەردەوام یا ئالۆز بیت، ژ بەر ڤێ یەکێ ژی هەر جارێ تشتەکێ دکەنە بەهانە، نها ژی دەمەکە بەحسێ دروستکرنا چەکێ ئەتۆمی ژ ئالیێ ئیرانێ ڤە دکەن، لێ د راستی دا چو تشتەک وەسا نینە.
