ئیسلام زاخۆیی یێ به‌رهه‌ڤیان بۆ به‌لاڤكرنا سێ به‌رهه‌مان دكه‌ت
ئه‌ڤرۆ:
سترانبێژ ئیسلام زاخۆیی به‌رهه‌مه‌كێ دوقۆلی دگه‌ل هونه‌رمه‌ند (رزگار ئۆسكان) ب ناڤێ (قه‌ده‌ر) ب شێوه‌یێ ڤیدیۆ كلیپ به‌لاڤكریه و نوكه یێ به‌رهه‌ڤیان بۆ به‌لاڤكرنا سێ به‌رهه‌مان دكه‌ت.
ناڤهاتی ئاكرا كر كو ئه‌ڤ به‌رهه‌مه ژ په‌یڤ و ئاوازێن هونه‌رمه‌ند (رزگار ئوسكان)ی نه و (فیراس حسێن)ی كارێ تۆماركرنا سترانێ و میكس و ماسترینگێ بۆ ئه‌نجامدایه و بۆ رووداو گۆت: “ژ بلی ڤی به‌رهه‌می نوكه ئه‌ز مژوولی چێكرنا سێ به‌رهه‌مێن دی مه كو ئێك ژ وان به‌رهه‌مان ژ په‌یڤ و ئاوازێن هونه‌رمه‌ند (عه‌بدولقه‌هار زاخۆیی) یه و ل پارێزگه‌ها دهۆكێ هاتیه تۆماركرن، هه‌روه‌سا به‌رهه‌مه‌كێ دێ ژی ب شێوه‌زارێ سۆرانی یه و (ئاریۆس)ی كارێ تۆماركرن و مۆزیكێ بۆ ئه‌نجامدایه و بتنێ كلیپكرنا ڤی به‌رهه‌می مایه”.
ئیسلامی ئاماژه دا وێ چه‌ندێ كو به‌رهه‌مه‌كێ دی ژی ل به‌رده‌سته كو سترانه‌كا فلكلۆریه و نوكه مژوولی تۆماركرنا وێ یه .
