ئیسماعیل سرۆشتێ ئاكرێ دكه‌ته كه‌ڤال
ئه‌ڤرۆ، هه‌رهین:
شێوه‌كارێ گه‌نج ئیسماعیل له‌زگین، كو نوكه قوتابیه ل په‌یمانگه‌ها هونه‌رێن جوان ل ئاكرێ د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: هونه‌رێ شێوه‌كاری خه‌ونا من یا زاروكینیێ بوویه و له‌وا یێ به‌رده‌وام بووم هه‌تا كو چوویمه په‌یمانگه‌هێ و پتریا كه‌ڤالێن من ده‌ربرینێ ژسرۆشتی دكه‌ن و گه‌له‌ك جاران ئه‌ز د ناڤ سرۆشتێ ده‌ڤه‌را ئاكرێ دا دگه‌ڕیێم و دكه‌مه وێنه و ڤێ چه‌ندێ ئه‌ز گه‌له‌ك راكێشایمه كو یێ به‌رده‌وام بم و نه‌شێم بێژم كا چه‌ند ده‌مژمێرا ل سه‌ر كه‌ڤالی كاردكه‌م و هنده‌ك كه‌ڤال هه‌نه گه‌له‌ك كار یێ تێدا نه‌شێم ب دو ده‌مژمێرا ب دووماهی بینم و هه‌كه داخوازی ل سه‌ر كه‌ڤالێن من هه‌بیت دفرۆشم ژی.
ناڤهاتی گۆت ژی: دشێم خوه ب چێكرنا كه‌ڤالان و وێنه‌یێن كه‌سوكی ب خودان بكه‌م و دژیانێ دا هه‌ر كاره‌كێ هه‌بیت پێدڤیه مرۆڤ خوه بۆ زه‌حمه‌ت بده‌ت دا كو سه‌ركه‌فتنێ د وی كاری دا بینت.
