ئیلۆن ماسك باسێ مۆبایلا تێسلا دكه‌ت
پشتی سه‌ركه‌فتنێن مه‌زن یێ مه‌زنه سه‌رمایه‌دارێ جیهانێ ئیلۆن ماسك د وارێ چێكرنا مووشه‌ك و رۆبۆتێن زیره‌ك و ترۆمبێلێن كاره‌بایی دا، نه تشته‌كێ دووره هه‌كه ده‌ست ب چێكرنا مۆبایلێن زێره‌ك ژی وه‌كو نیشانه‌كا دی یا بازرگانی بكه‌ت. هه‌ر وه‌كو ڤی مه‌زنه بازرگانی هوشداری دایه هه‌ردو كۆمپانیێن سامسۆنگ و ئه‌پل د ڤی واری دا.
Tesla Phone ئه‌و ناڤه یێ نها د بازارێ مۆبایلێن زیره‌ك دا و پترترین نووچه ل سه‌ر وێ دهێنه به‌لاڤكرن و د چارچۆڤێ پۆدكاستێ «ئه‌زموون ل گه‌ل جو رۆگان» كو ل سه‌ر یوتیۆبی به‌لاڤ دبیت، ئیلۆن ماسك ب تێر و ته‌سه‌لی به‌رسڤا هه‌موو پرسیاران ل دوور ڤی بابه‌تی دان و یێ دبنه ئه‌گه‌رێ پێشخستنا ڤی بابه‌تی. گه‌له‌ك ب ئاشكرایی ژی به‌حس ل وان هه‌موو بابه‌تێن گرێدایی یێن ڤێ مۆبایلێ ژی كر كو به‌لگه و گرۆڤه بوون ل سه‌ر وان گۆتنێن دبێژن كو دێ تێسلا هه‌ڤركیا ئایفۆن و گۆگل و سامسۆنگێ كه‌ت..
هه‌ر چه‌نده هێشتا ل بن گه‌شه‌كرن و پێشخستنێ یه نها، به‌لێ مۆبایلا تێسلا نها بابه‌تێ ژ هه‌موویان به‌ربه‌لاڤتر یێ جیهانا ته‌كنۆلۆژیایێ یه. ب گۆره‌یی ئیلۆن ماسك. دده‌ته دیاركرن كو دێ شیانێن تێسلا گه‌له‌ك د باش و به‌رچاڤ بن د بازاری دا ب هه‌ڤبه‌ركی ل گه‌ل مۆبایلێن دی یێن د بازاری دا، ب تایبه‌ت كو تێسلا یا به‌رنیاسه ب كوالێتیا خۆ د وارێ ته‌كنۆلۆژیایی دا وه‌وكو زیره‌كیا ده‌ستكر و رێكخستنێن پاشه‌رۆژێ و هاردوێر و به‌رنامان ب گۆره‌یی گۆتنا وی.
ماسك دا دیاركرن ژی كو دێ كۆمپانیا تێسلا ژ هه‌موو كۆمپانیێن دی یێن جیهانی باشتر تله‌فۆنێن خۆ به‌رهه‌م ئینیت و دێ د جودا بن ژ یێن ئه‌ندرۆید و ئایفۆنێ. ل گه‌ل وێ چه‌ندێ ژی ڤی مه‌زنه سه‌رمایه‌داری دا دیاركرن كو چو ژڤانێن نێزیك نینن بۆ گه‌شه‌پێدانا مۆبایلا تێسلا و گۆت: نه كه‌رسته‌كه مه دڤیت پێش بێخین، هه‌كه گرێ و چو تشتیێ ژ وی ره‌نگی نه‌بیت.
د سه‌ر ڤان داخۆیانیا دا، ده‌نگو راناوه‌ستن. ب گۆره‌یی هنده‌ك ده‌نگویێن به‌لاڤ بووین ل سه‌ر تۆڕێن جڤاكی، مۆبایلا تێسلا دێ دشیان دابیت په‌یوه‌ندیێن جیهانی ب رێیا ئه‌نترنێت و هه‌یڤا ده‌ستكرد وه‌رگریت.
ده‌رباره‌یی بهایێ وێ ژی دده‌نه دیاركرن كو بهایه‌كێ زۆر نینه، ب گۆره‌یی ئه‌وا دهێته گۆتن و به‌لاڤكرن بهایێ وێ ل ده‌وروبه‌رێن 300 دۆلارایه.
ئیلۆن ماسك به‌حس ل بابه‌تێ مۆبایلا تێسلا ب تنێ نه‌كر، به‌لكو به‌حس ل وان مه‌ترسیان ژی كر یێن ژ بازارێ ژماران هه‌ین، بابه‌تێ پلاتفۆرمێن جڤاكی ب ناڤبه‌ینه‌كا مه‌زن دا دیاركرن دا كو بكارئینه‌ر گه‌نگه‌شا بۆچوونێن خوه بكه‌ن.
ب ڤێ رامانێ، دبیت ئه‌وان بڤێت مۆبایله‌كا زیره‌ك دروست بكه‌ن كو شیان هه‌بن ب ساناهی بگه‌هیته بابه‌تێن جهێ ژمارێن هه‌ڤپشك. ئیلۆن ماسك ئاماژه دا وێ چه‌ندێ ژی كو كرینا تویته‌ری بۆ وێ چه‌ندێ بوو، پشت راست ببیت كو جهه‌ك هه‌بیت گه‌نگه‌شه‌كا گرۆپی یا به‌رفره‌هـ ژ بۆچوونان ب رێیه‌كا ساخله‌م هه‌بیت.
