ئیمارات پەیوەندیێن خوە ل گەل ئیسرائیلێ ب ھێزتر دکەت
ئەڤرۆ:
وەزارەتا دەرڤە یا ئیماراتێ راگەھاند کو وان دڤێت پەیوەندیێن خوە د بیاڤێن سیاسی و ئابووری دا ل گەل ئیسرائیلێ باشتر بکەن و نھا کار بۆ ڤەکرنا بالیۆزخانا ئیماراتێ ل ئیسرائیلێ ھاتیە کرن و محەمەد مەحمود ئەلحاجا وەکو بالیۆزێ ئیماراتێ ل ئیسرائیلێ ھاتیە دەستنیشانکرن و دێ دەست ب کارێ خوە کەت.
د داخۆیانیا وەزارەتا دەرڤە یا ئیماراتێ دا ئەو یەک ژی ھاتیە دیار کرن کو سالا بۆری ئیماراتێ پەیوەندیێن خوە ل گەل ئیسرائیلێ ئاسایی کرینە و نھا د گەلەک بیاڤان دا ھەڤدیتن د ناڤبەرا ھەر دو وەلاتان دا ھەنە، پرانیا وەلاتێن دی یێن عەرەبی ژی دخوازن پەیوەندیێن خوە ل گەل ئیسرائیلێ ئاسایی بکەن و ئەو یەک بۆ ئارامیا رۆژھەلاتا ناڤین گەلەک گرنگە.
چاڤدێرێن سیاسی ژی دیار دکەن کو ئیسرائیلێ دڤێت ب رێیا ئاساییکرنا پەیوەندیێن خوە ل گەل وەلاتێن عەرەبی رێ ل ب ھێزبوونا ئیرانێ ل دەڤەرێ بگریت و ئەمریکا ژی پشتەڤانیێ ل سیاسەتا نوو یا ئیسرائیلێ دکەت.
چاڤدێرێن سیاسی ھەروەسا دیار دکەن کو ئیدارا نوو یا ئەمریکا پشتەڤانیێ ل ئاساییکرنا پەیوەندیێن ئیسرائیلێ ل گەل وەلاتێن عەرەبی دکەت، چونکو جۆ بایدن گرنگیێ ددەتە ئارامیا رۆژھەلاتا ناڤین و ژ بەر ھندێ ژی بابەتێ پەیوەندیێن ئیسرائیلێ ل گەل وەلاتێن عەرەبی د خزمەتا ئارامیا رۆژھەلاتا ناڤین دایە.
