ئیمام ئوگلۆ ل ئامەدێ داخۆیانیێن گرنگ دان
ئەڤرۆ نیوز:
ئەڤرۆ ئەکرەم ئیمام ئوگلۆ سەرۆکێ باژێرڤانیا مەزن یا ئستەنبولێ سەرەدانا باژێرێ ئامەدێ کر و ژ ئالیێ ئەحمەد تورک و هەڤسەرۆکێن بەرێ یێن باژێرڤانیێن ئامەد و مێردینێ و هژمارەکا بەرپرسێن هەدەپێ پێشوازی لێ هاتە کرن.
ئیمام ئوگلۆ راگەهاند کو دڤێت ئەم هەموو پێکڤە کار بکەین دا تورکیا ژ ڤێ رەوشا خراب قورتال بکەین و گۆت: (تورکیا ب قەیومان ناهێتە برێڤەبرن و دڤێت حوکمەت دەستان ژ سیاسەتا خوە یا دوورخستنا نوونەرێن خەلکی بەردەت، چونکو ئەو یەک دێ بیتە ئەگەرێ ئالۆزکرنا رەوشا ناڤخوەیی یا تورکیا).
ناڤهاتی ئەو یەک ژی دیار کر کو ئەم هەموو پێکڤە دشێین خزمەتا دیموکراسیێ ل تورکیا بکەین و هەموو وەلاتی ژی نها دخوازن کو پرسێن ل تورکیا بهێنە چارەکرن، مخابن حوکمەتا نها رێیەکا شاش دایە بەرخوە و مە نەڤێت شاشیێن وان دوبارە بکەین.
