ئیمان ده‌رباز: راگه‌هاندنێ هێز و حه‌زژێكرنا خه‌لكی دا یه من
دهۆك، هه‌رهین محه‌مه‌د:
ئیمان ده‌رباز، بێژه‌را ده‌نگو باسان ل كه‌نالێ كوردستان24 ، د دیداره‌كێ دا بۆ رۆژناما ئه‌ڤرۆ گۆت: راگه‌هاندنێ هێزو حه‌زژێكرنا خه‌لكی دایه من، من ژی جوداهیه‌ك دایه راگه‌هاندنێ، چونكو من نه‌ڤێت بچمه وی چارچۆڤه‌ی ئه‌ز به‌حسێ خوه بكه‌م و ده‌مێ ل دهۆكێ كچا راگه‌هاندكار ب ره‌نگه‌كێ جوداتر ده‌ركه‌فتی ئیمان بوو ل وی ده‌می من جوداهیه ئافراند ب وی َجوداهیێ من باج دا و گران بوو هه‌تا كو خه‌لكی قه‌بولكری، به‌لێ پشتی هوی ده‌می گه‌له‌ك كچێن وێره‌كترو زیره‌كتر ده‌ركه‌فتن و كو نوكه ده‌مێ وان نوكه دبینم ب دنایه‌كێ دلخۆش دبم، چونكو هه‌موو ده‌مان ل كوردستانێ ل دهۆكێ وه‌كو جڤاكه‌كێ گرتی دبیت خێزان رێكێ زێده ناده‌نه كچێن خوه وه‌سان ناڤێ خوه ده‌رخستیه.
ئیمانێ گۆت: راگه‌هاندكارێ ب دروستی ئه‌وه یێ حه‌زژ كاری َخوه بكه‌ن و نه‌وه‌كو پیشه ته‌ماشه بكه‌تێ و هه‌كه وه‌كو پیشه ته‌ماشه بكه‌تێ و چاڤێ وی لێ بیت وه‌كو داهات ئه‌و هاریكاریا مرۆڤی ناكه‌ت بۆ راكرنا ئاسته‌نگان، به‌لی َهه‌كه مرۆڤ وه‌كو حه‌ز ته‌ماشه بكه‌تێ ل وی ده‌می مرۆڤ دشێنت جوداهیان ب ئافرینت و چ تشت نه‌شێن بنه ئاسته‌نگ و هه‌تا كو رێڤه‌به‌رێ مرۆڤی ژی ببیت.
ل دووماهیێ گۆت: ئه‌ز تورا جڤاكی یا سناپی ب كاردینم، لێ نامه دگرتینه كه‌س نه‌شێت ناما ب هنێریت، لێ هنده‌ك جاران نامێن كچان بۆ من دهێن و دبێژنه من تو هێزێ د ده‌یه مه و بۆ من گه‌له‌ك خۆشه هێزی و باوه‌ریێ بده‌مه كچان و حه‌زژێكرنا وان بۆ من هێزه و من پێدڤی یا پێ هه‌ی و راسته خه‌لكا َدهۆكێ مه و نوكه ل هه‌ولێرێ دژیم، به‌لێ ده‌مێ دبینم خه‌لكێ مه پشته‌ڤانیا من دكه‌ن بۆ من هێزه‌كا مه‌زنه.
