ئیمزا بۆ مه‌زاختنا پارێ گه‌نمێ جووتیاران دهێنه كۆمكرن
ئه‌ڤرۆ نیۆز، قائید میرۆ
په‌رله‌مانتارێن كورد ئیمزا ژبۆی مه‌زاختنا پارێ گه‌نمێ جووتیارێن هه‌رێما كوردستانێ كۆمكرینه و په‌رله‌مانتاره‌ك دبێژیت، د بوجه‌یدا ئاماژه ب مه‌زاختنا پارێ گه‌نمێ جووتیاران نه‌هاتیه‌كرن.
ئه‌شواق جاف، ئه‌نداما لیژنا دارایی یا په‌رله‌مانێ عێراقێ ب ئه‌ڤرۆ نیۆز راگه‌هاند” د پڕۆژه بودجێ سالا 2016ێ دا چو ئاماژه‌یه‌ك ب مه‌زاختنا پارێ گه‌نمێ جووتیارێن هه‌رێما كوردستانێ نه‌هاتیه‌كرن، نه بۆ سالا داهاتی نه بۆ پارێ سالێن بۆری یێن جووتیارێن هه‌رێما كوردستانێ، كو پارێ وان ژلایێ به‌غدا هاتیه گیرۆكرن.
ئه‌شواقێ دیاركر، مه ئیمزا كۆمكرینه، هه‌تا ل بودجێ سالا 2016ێ، به‌نده‌ك بۆ بهێته دانان و د بودجه‌یدا پارێ هه‌ردو سالێن 2014ێ و سالا 2015ێ یێ جووتیارێن هه‌رێما كوردستانێ بهێته مه‌زاختن و رازینابین بڤی شێوه‌ی پارێ گه‌نمێ جووتیارێن هه‌رێمی َژلایێ حوكمه‌تا عێراقێ بهێـته گیرۆكرن.
