ئینستگرام ژی دێ بیته ب پاره
ئه‌ڤرۆ، زانست:
ئێدێ تۆڕێن جڤاكی ژی چوونه د خانه‌یا مه‌زاختیان دا و پشكه‌ك ژ داهاتێ مرۆڤان ئێدێ دێ بۆ تۆڕێن جڤاكی ژی بیت، ژ به‌ر كو رۆژانه ده‌نگوباسێن ب پاره‌بوونا تۆڕه‌كێ ژ تۆڕێن جڤاكی دهێته راگه‌هاندن، هه‌ر چه‌نده كه‌س یێ ئازاده ڤێ خزمه‌تێ كارا بكه‌ت یان ژی نه، به‌لێ ژ به‌ر حه‌زا ساخله‌تێن زێده‌تر، به‌رێ گه‌له‌ك كه‌سان دێ كه‌ڤیته تۆڕێن جڤاكی یێن ب پاره.
پشكدارێن ب پاره یێن ئینستگرامی د ئه‌كاونتێ خوه یێ تایبه‌ت دا، دشێن پرۆفایله‌كێ نهێنی دروست بكه‌ن و چه‌ند تشتێن ده‌ست نیشانكری بكه‌نه د ناڤ دا، ئه‌و پشكدارێن پاران نه‌ده‌ن نه‌شێن وان تشتان ببینن. ب تنێ ئه‌و دێ شێن وان بابه‌تان بینن یێن پاره‌یی دده‌ن.
هه‌ر وه‌كو تۆڕێن MiPriv و OnlyFans كو وه‌سان هاتینه چێكرن ئه‌وێن بچنه د ناڤ دا دشێن وه‌سان رێك بێخن داهاتێ خوه ب ره‌نگه‌كێ تایبه‌تتر ب ده‌ست ڤه بینیت. دهێته پێشبینی كرن ژی كو پرۆفایلێن ب پاره یێن ئینستگرامی په‌یوندی ب بابه‌تێن سكسی ڤه نه‌بیت، هه‌موو دێ هه‌ر ئه‌و هه‌مان تشت بن یێن ل دووڤ سیاسه‌تا تۆڕێن جڤاكی د گۆنجن.
هه‌كه ته بڕیار دا پاران به‌رامبه‌ر بكارئینانا ئینستگرامی بده‌ی، دێ دشیان دا بیت گه‌له‌ك ساخله‌تێن تایبه‌ت بۆ ته بهێنه دابینكرن. ل ده‌مێ پاره‌دانێ دێ دشیان دا بیت بگه‌هیه بابه‌تێن تایبه‌ت ب ته‌ڤه.
هێش نه‌هاتیه دیاركرن ژی كا دێ بهایێ هه‌یڤانه یێ ڤێ تۆڕێ چه‌ند بیت، به‌لێ ژ به‌ر كو ئه‌ڤ پاره ژ به‌ر خزمه‌تا پێشڤه‌به‌رێن ڤێ تۆڕێ زێده كریه و پشكه‌ك دێ بۆ وان چیت ژ به‌ر كو ئه‌و دێ تشتێ تایبه‌ت دانن، دبیت بهایی ژی ئه‌و ده‌ست نیشان بكه‌ن و ل دووڤ ئه‌و تشتێ تو بۆ خوه ب كار دئینی، ئانكو بها دێ ل دووڤ بكارئینانێ بیت.
