ئێدارا سه‌ربه‌خوه دێ پشته‌ڤانیا یانا زاخۆ كه‌ت
ئه‌ڤرۆ، زاخۆ، عه‌لی حاجی:
د داخویانیه‌كێ دا سكرتێرێ یانا زاخۆ یا وه‌رزشی بۆ رۆژناما ئه‌ڤرۆ دیاركر سه‌رپه‌رشتێ ئیدارا سه‌ربه‌خوه‌یا زاخۆ به‌رهه‌ڤیا خوه دیاركریه بۆ پشته‌ڤانیا تیما مه یا ته‌پا پێێ بكه‌ت.
زێده‌تر هشیار شه‌هباز گۆت: كارگێریا یانێ كۆمبوونه‌كه ل گه‌ل سه‌رپه‌رشتێ ئیدارا سه‌ربه‌خوه یا زاخۆ گۆهدار شێخۆ هاته‌كرن و مه داخوازا پشته‌ڤانیا دارایی بۆ یانێ كر ژبه‌ركو حوكمه‌تا هه‌رێمێ چو پشته‌ڤانی نه‌كریه ئه‌وێ ژلایێ خوه‌ڤه به‌رهه‌ڤیا خوه دیاركری دقۆناغا نوكه دا دێ مووچه‌یێ یاریزانان دابینكه‌ت وه‌كو پشته‌ڤانی، هه‌روه‌سان داخواز كر گوهۆڕینان د ناڤ تیمێ دا بكه‌ین ژبۆ باشكرنا ئه‌نجامان و مه داخواز كر ئه‌و كۆژمه‌یێ به‌ری ماوه‌كی ژ حوكمه‌تێ خواستی بهێته خه‌رجكرن، هه‌روه‌سان سه‌رپه‌رشتێ ئیدارا سه‌ربه‌خوه داخوازا نڤێساره‌كا فه‌رمی كریه و ئه‌و ژی دێ نڤێسارا فه‌رمی وه‌كو پشته‌ڤانی هه‌ڤپێچ بۆ وه‌زاره‌تا په‌یوه‌ندیدار فرێكه‌ن و داخوازا خه‌رجكرنا وێ پاره‌یی كه‌ت.
ناڤهاتی گۆت ژی: ژبۆ پرۆسێسا گوهۆڕینی دناڤ تیمێ دا دێ ل گه‌ل راهێنه‌رێ تیما خوه یا خولا ئیراقێ كۆمبن پێخه‌مه‌ت ئه‌و یاریزانێ باش نه‌بیت گرێبه‌ستا وی بهێته هه‌لوه‌شاندن و ئه‌و یاریزانێ راهێنه‌ر داخواز بكه‌ت ئه‌م به‌رهه‌ڤبكه‌ین و هه‌كه پیشه‌كار ژی هه‌بن.
