ئێدى بۆ پشكنينێ زارۆ پێدڤى ب بێهوشكرنێ نابن
ئەڤرۆ نيوز:
ھاریکارێ رێڤەبەرێ نەخۆشخانا دھۆک یا چاڤا دیارکر ئێکەم ئامیرێ پشکنینا چاڤا ل سەر ئاستێ ھەرێما کوردستانێ و عیراقێ ژ لایێ رێڤەبەریا گشتی یا ساخلەمیا پارێزگەھا دھۆکێ ڤە ھاتیە دابینکرن.
د. ھەڤال مستەفا حەسەن ھاریکارێ رێڤەبەرێ نەخۆشخانا دھۆک یا چاڤا بۆ رۆژناما ئەڤرۆ دیار کر کو بەری ھاتنا ئامیرێ نوو کێشە بۆ نۆشدارا پەیدادبوون ھەتا پشکنینەک بۆ زارۆیەکی ئەنجامدابا زارۆ بەرامبەر ئامیرێن دی د ترسیان، نۆشدار نەچاردبوو بەنجێ بۆ زارۆیی ب دانیت و گەلەک جارا بەنجا گشتی د دانا، پشتی گەھشتنا ڤی ئامیرەیی ھەر زوو پشکنین دھێنە ئەنجام دا بێ زارۆ ھەست ب ھیچ مەترسیەکێ بکەت و گۆت: “ب ڤی ئامیرێ نوو پشکنین بۆ زارۆیێن ژیێ وان کێمتر چار سالی دھێنە ئەنجام دان و چ مەترسیا پەنجێ نەمایە.
ناڤھاتی ئاماژە دا وێ چەندێ کو د سالا 2017 دا 588 نەخوش پێدڤی ب بەنجا گشتی ببوون، لێ پشتی گەھشتنا ڤی ئامیرەیی ب رێژەیا 95% نەخوش پێدڤی ب بەنجا گشتی نابن.