ئێدی ئه‌پلیكه‌یشن جهی د مۆبایلا ته دا ناگرن
ئه‌ڤرۆ:
گۆگل پله‌ی یا كار ل سه‌ر تایبه‌تمه‌ندیه‌كێ دكه‌ت دێ هاریكاریا وان هه‌موو پشكداران كه‌ت یێن میموریێن مۆبایلا وان د بچووك. ل نێزیك دێ ئه‌رشیف كه‌ت. ناڤه‌رۆك نه‌یا نوویه، به‌لێ نها یا به‌رهه‌ڤه. دێ ئێك بیت ژ ساخله‌تێن گۆگل پله‌ی كو ئه‌پلیكه‌یشنا ئه‌رشیف بكه‌ت كو دێ ئه‌ڤه هاریكار بیت جهێ مۆبایلێ ب ره‌نگه‌كێ به‌رفره‌ه ڤالا بهێلیت و پێدڤی ب دیلێتكرنا ئه‌پلیكه‌یشنی ب ته‌مامی نه‌بیت.
دیلێتكرنا ئه‌پلیكه‌یشنا ژ به‌ر جهێ كێم د مۆبایلێ دا، ئێك ژ نه‌خۆشترین تشتایه ل ده‌ف بكارئینه‌رێن مۆبایلێن زیره‌ك، دبیت گه‌له‌ك جاران بگه‌هیته راده‌كی ئه‌پلیكه‌یشنه‌كێ دانلۆد بكه‌یی كاره‌كی پێ بكه‌یی و دیلێت بكه‌یه‌ڤه ژ به‌ر جهی، گۆگل دڤێت ئه‌ڤێ ئاریشێ چاره بكه‌ت.
ئه‌ڤ تایبه‌تمه‌ندیه نها بۆ هه‌موویان به‌رده‌ست نه‌كریه، به‌لێ بۆ ئه‌ڤ كه‌سێن كار ل سه‌ر پێشخستنا وێ دكه‌ن نها یا به‌رده‌سته دا كو وان ئاگه‌هدار كه‌ن كا یا چاوایه. هزر یا ب ساناهی یه، ژ به‌ر كو ل سه‌ر هه‌موو ئه‌پلیكه‌یشنێن گۆگل پله‌ی د گۆنجیت.
مه‌ره‌م ژ كارێ ڤێ ئه‌پلیكه‌یشنێ ئه‌وه داتایێن ئه‌پان ل گه‌ل ئایكون و پشكه‌ك ژ ئه‌ی پی كه‌ی یێ وان د ناڤ ئامیری دا ب هێلیت، تشتێ دی یێ جهێ دگریت هه‌موویێ دبه‌ت، ئه‌ڤه رێیه‌كه كو ئه‌پی دهێلیته د ئاماده‌باشیێ دا، هه‌ر ده‌ما پێدڤی بیێ ژ لایه‌كێ دی ڤه جهێ زێده بۆ ته ب پارێزیت.
هه‌كه ته ڤیا ئه‌پێ جاره‌كا دی ب كار بینی، چو ل سه‌ر ته پێدڤی نینه ب تنێ كلیكێ ل سه‌ر ئایكونێ وێ بكه‌یی، دێ نیشانه‌كا راكێشانێ تێدا بیت و پشتی چه‌ند چركان دێ ئه‌و پشكا ته ژێ دیلێت كری ڤه‌گه‌ریت و یا ئاماده بیت بۆ ب كارئینانێ.
گۆگل یا ئاگه‌هدار بوو كو گه‌له‌ك پشكداران ئاریشه ل گه‌ل جهی هه‌بوو د مۆبایلێن خوه یێن سیسته‌مێ ئه‌ندرۆید دا، دیلێتكرنا ئه‌پلیكه‌یشنان ژی ب ساناهیترین رێ یه بۆ ڤێ مه‌ره‌مێ. نه وه‌كو وێنایه ب ساناهی ڤه‌دگه‌ریته‌ڤه.
ب ڤێ رێ تو نه‌یێ ئاماده‌یی ئه‌پلیكه‌یشنێ ب ته‌مامی دیلێت بكه‌یی و داتایێن وێ ژ ده‌ست بده‌یی یان جاره‌كا دی بچیه د ناڤ دا و خوه تۆمار بكه‌یی. رێیه‌كا ب ساناهی یه بۆ ژ ده‌ستدانا ژماره‌كا مێگابایتان. دهێته پێشبینیكرن ئه‌ڤ ساخله‌ته بۆ هه‌موویان به‌ری سه‌رێ سالێ ل به‌ر ده‌ست بیت.