ئێدی دشیان دایە ژ دەرڤەی ئەپ-ستوری بەرنامەیان بۆ ئایفۆنێ زێدە بكەی
كۆمپانییا ئەپل ئابدەیتا نوو یا سیستەمێ كاركرنێ یێ ئایفۆنان iOS 17.5 بەردەستكر و سەرەرایی هژمارەیەكا گوهۆڕینێن باشتركرنێ، بۆ جارا ئێكێ دەستووری دا، بكارئینەرێن ئایفۆنێ ئەپلیكەیشنان ژ دەرڤەیی ئەپ ستوری دانلۆد بكەن.
پشتی بۆرینا دو هەیڤان ل سەر بەردەستكرنا ئابدەیتنا iOS 17.4، ئەپل ئابدەیتنا نوی iOS 17.5 ب هژمارەیەكا گوهۆڕینان ڤە بەردەستكر.
سەرەرایی گرتنا نێزیكی 15 ڤالاهیێن ئەمنی، ئەپلێ خزمەتگۆزارییا گەهشتنا نووچەیان ل دەمێ نەبوونا ئەنترنێتێ د ئابدەیتنا نوو دا بەردەستكریە.
د ئابدەیتنا نوو دا، بكارئینەرێن ئایفۆنێ ل وەلاتێن ئێكەتییا ئورۆپی دشێن ئەپلیكەیشنان ژ هندەك جهێن دی ژی ژ دەرڤەی ئەپ ستۆر و ب شێوەیەكێ ئێكسەر ژ پێشڤەبەرێن ئەپلیكەیشنان داونلۆد بكەن، ئەڤ چەندە بۆ جارا ئێكێ یە پشتی یاسایا بازارێن دیجیتال یا ئەورۆپی ئەڤ چەندە ل سەر ئەپل سەپاندی.
