ئێدی دێ زمانێ گیانه‌وه‌ران ب ساناهی زانین
كۆمپانیا بایدو یا چینی ئه‌وا شاره‌زا د وارێ زیره‌كیا ده‌ستكرد دا، داخوازیه‌ك پێش كێش كریه بۆ وه‌رگرتنا مافێ داهێنانێ یێ وه‌رگێرانا زمانێ گیانه‌وه‌ران وه‌كو میه‌و یا پشیكی بۆ زمانه‌كێ وه‌سان كو تێ بگه‌هین، ئانكو بۆ زمانێ مرۆڤان.
ب گۆره‌یی كۆمپانیا بایدو یا چینی، ئه‌ڤ خزمه‌تا ئه‌و دێ پێش كێش كه‌ن دێ داتایێن هه‌موو گیانه‌وه‌ران كۆم كه‌ن د هه‌موو ره‌وشان دا، ژ وان ژی ده‌نگ، ره‌فتار، نیشان و لڤینێن وان ل گه‌ل نیشانێن وان یێن فیسیولۆژی پاشان ژی دێ هێنه شرۆڤه‌كرن ب رێیا زیره‌كیا ده‌ستكرد دا كو ره‌وشا وان یا سوزداری بزانن و وه‌ربگێرن بۆ زمانێ مرۆڤان.
كۆمپانیا بایدو یا چینی ئێك ژ كۆمپانیێن به‌رچاڤێن وارێ زیره‌كیا ده‌ستكرده، دو نموونێن بێ به‌رامبه‌ر یێن زیره‌كیا ده‌ستكرد پێش كێش كرینه و هه‌ڤركیا باشترین به‌رنامێن جیهانی یێن ژیریا ده‌ستكرد دكه‌ت یێن وه‌كو دیب سیك.
هه‌كه هات و ئه‌ڤ پێنگاڤا كۆمپانیا ناڤبری سه‌رگرت و شیان ڤی كاری بكه‌ن. دێ پێشڤه‌چوونه‌كا گه‌له‌ك مه‌زن د وارێ زانینا زانستێن گیانه‌وه‌ران دا، دێ دشیان دابیت ڤه‌كۆلینێن گه‌له‌ك مه‌زن د وارێن گیانه‌وه‌ران ب ده‌مێن گه‌له‌ك گۆنجایی ئه‌نجام بده‌ن.
هه‌رچه‌نده هێش ب تنێ وه‌رگرتنا باوه‌رناما داهێنانێ یه دا كو كه‌س هزر و ماددێ وان ل چ جهێن دی بكارنه‌ئینیت دا كو ب ناڤێ وان بهێته ب ناڤكرن، هه‌كه هێش ده‌مه‌كێ گه‌له‌ك مه‌زن ل پێشیا وانه بۆ ئه‌نجامدانا ڤی كاری، به‌لێ ل چینێ ژی كار گه‌له‌ك ب له‌ز و سه‌ركه‌فتیانه دهێنه ئه‌نجام دان و ب تایبه‌ت بابه‌تێن ژ ڤی ره‌نگی.
