ئێدی نەڤێت ئێخسیرێ عەشقا وێ بیت
كاوین جیهاد تەحلاڤی:
سترانبێژ (ئەحمەد ئۆسمان) كو خەلكێ پارێزگەها دهۆكێ یە و دەمەكە دەست ب سترانگۆتنێ كری، د دیدارەكێ دا بۆ رۆژناما ئەڤرۆ دیاركر كو نوكە ئەو مژوولی چێكرنا كلیپا خوە یا ئێكێ یە و دێ گرنگیێ ب سترانێن فۆلكلۆری ژی دەت و دخوازیت ب رێیا سترانێ خزمەتا وەلاتێ خوە بكەت.
ئەحمەدی گۆت: سترانا من ب ناڤێ ( ئێدی بەسە من نەڤێت ئێخسیرێ عەشقاتە بم) پەیڤ و ئاواز كەمال، ب سەرپەرشتیا مۆزیكژەن (ئەلند خەیری) ل ستۆدیۆیا توون ل د هۆكێ هاتیە تۆماركرن و ژدەرهێنانا (كاوە عادل) یە، بۆ زانین ئەز ئێك ژ پشكدارێن بەرنامێ (كوردش تالنت) یێ بەهرەیان بووم ل كەنالێ وار و شیام پلا دویێ ل سەر ئاستێ كوردستانێ ب دەستڤەبینم و ئەو ئەنجام بۆ من جهێ شانازیێ بوو، چنكو ل هەر چار پارچێن كوردستانێ د بەرنامەی دا پشكدار ببوون و هندی من شیان هەبن دێ خزمەتا سترانا كوردی، ب تایبەت یا فولكلۆری كەم.
