ئێزدی دێ رێورەسمێن سەفەرا قولا ل پەرستگەھا لالش ئەنجام دەن
ئەڤرۆ نیوز، بارزان مزووری:
بابێ گاڤان ئێک ژ کەساتیێن ئایینی ل پەرستگەھا لالش بۆ ئەڤرۆ نیوز دیار کر هەر سال دڤی وەرزی دا بۆ ماوێ سێ رۆژا ئولدار و خزمەتکارێن پەرستگەھێ کۆم دبن ل پەرستگەھا لالش ل ھەر سێ رۆژێن دووماھیا ھەیڤا ئادارێ د رۆژا ئێکێ دا بەیتا سبێ” بەیتا شێشمس” دھێتە گوتن دیسان رێورەسمێن کێشانا قولا دھێتە کرن دو رۆژا ئەڤ قولە بۆ شێخادی دھێنە کێشان و رۆژا دووماھیێ بۆ “شێلانا شێشمس” دھێنە کێشان ب تنێ دارێن ھشک دھێنە کرن ھەر کەسێ دارەکێ تەر ببریت خێرا وی کەسی دێ بەتال بیت دڤێ رێورەسمێ دا.
ناڤھاتی خوەیاکر کو وان دارێن ھشک پیرۆزترین خوارن لێ دھێتە دروست کرن دبێژنێ”سمات” دووماھیا رێورەسمێن سەفەرا قولا ئەڤ خوارنە دھێتە دروست کرن ئەو کەسێن بەشدار ھەموو پێکڤە وێ خوارنێ دخوون. سەفەرا قولا گرنگترین رێورەسمێن ئایینی یە ل پەرستگەھا لالش بۆ ماوێ سێ رۆژان بەردەوام دبیت.
