ئێزدی رێورەسمێن جەژنا چلێ زڤستانێ دگێڕن
دهۆك، لەزگین جۆقی:
ڕێورەسمێن جەژنا چلێ زڤستانێ ل پەرستگەها لالشێ هاتنە گێڕان و ئێزدی داخواز دكەن ئاوارە ڤەگەڕنە جهێن خوە.
بابە شێخ، شێخ عەلی شێخ ئەلیاس د پەیامەكێ دا گۆت: «هیڤیدارین ئەڤ جەژنە ببیتە ئەگەرێ بهێزكرنا بهایێن ئارامی و سەقامگیری و پێشڤەچوونێ د ناڤ مللەتێ مە دا، ئەڤ جەژنە ل هەمی ئێزدیان پیرۆزبیت».
دیسا دەستەیا بلندا بنگەهێ لالش ل پارێزگەها دهۆكێ ب هەلكەفتا جەژنا چلێ زڤستانێ د پەیامەكێ دا گۆتیە: «هیڤیدارین ئاوارە ڤەگەڕنە دەڤەرێن خۆ و گرتیێن ئێزدی بهێنە ڕزگاركرن و ب دیتنا كەسوكارێن خۆ شادببن و خەلكێ مە یێ ئاوارە ژ ڤێ ڕەوشا پەریشان ل ناڤا كەمپان قورتال ببن و ب سەرفرازی ڤەگەڕنە دەڤەرێن خۆ و جەژنا هەمی ئێزدیان پیرۆزبیت».
