ئێزدی زەیتا زەیتوونان بۆ هەلكرنا چرایێن پەرستگەها لالشێ بـەرهەڤ دكـەن
دهوك، لەزگین جوقی:
كوردێن ئێزدی دەست ب رێورەسمێن چنینا زەیتوونان ل پەرستگەها لالشێ دكەن، بۆ دەمێ چەند رۆژان دێ یا بەردەوام بیت.
لوقمان سلێمان، بەرپرسێ راگەهاندنا پەرستگەها لالشێ بۆ ئەڤرۆ دیار كر، ب پشكداریا شكەستی و چلەگر و كەسایەتیێن ئۆلی و خلمەتكارێن ئێزدیان، دەست ب چنینا زەیتوونان ل پەرستگەها لالشێ هاتیە كرن، ئەڤ زەیتوون هەمی پشتی دهێنە خرڤەكرن ل عمبارەكێ هەتا مەها سێ هەلدگرن، پاشی دێ جارەكا دی ڤان زەیتوونان هەمیا ب رێورەسم و ب ئامادەبوونا بابا شێخ و جڤاتا رۆحانی و هەموو شكەستی و خێرخوازێن ئێزدی دەست ب دەرئێخستنا ڤان زەیتوونان كەن.
لوقمان سلێمان گوت: «ئەڤان زەیتوونا پاقژكەن و ب ئاڤا كانیا سپی پاقژكەن و دێ كەنە زەیت بۆ چرایێن لالشێ و دڤێت ئەڤ زەیتە ژ زەیتوونێن گەلیێ لالشێ بیت».
