ئێزدی هژماره‌كا بریاران ده‌ن
دهۆك، له‌زگین جوقی:
قایمقامێ قه‌زا شنگال دیاركركو مه‌زنترین هوزا ئێزدیان ل شنگال هژماره‌كا بریاران داینه ل سه‌ر نه‌ختێ كچان وسزادانا وان كه‌سێن زێده‌گاڤیان دكه‌ن.
مه‌حما خه‌لیل ، قایمقامێ قه‌زا شنگال بۆ ئه‌ڤرۆ نیوز دیاركركو هوزا سموقیه دهێته هژمارتن مه‌زنترین هوزا ئێزدیان ل قه‌زا شنگال بریار داینه نه‌ختێ كچان ژ رێژا ده‌ستنیانكریا ئێزدیان نه‌بۆریت وپێگریێ بریار ورێنمایێن ئێزدیان بهێته كرن و كه‌سێن سه‌رپیچی دكه‌ن بهێنه سزادان توندترین سزا ژی هه‌تا 15 ملیۆن دیناران هاتینه ده‌ست نیشانكرن ئه‌ڤ بریارێن ب سه‌رپه‌رشتیا قایمقامێ شنگال و ره‌وشه‌نبیر و چالاكڤانیێن هوزا سموقیه هاتینه دان.
ناڤهاتی ئه‌وژی دیاركركو نابیت هیچ كه‌سه‌كی ئێزدی ب تایبه‌تی ژ هوزا سموقیه تعاملێ گه‌ل وان عه‌ره‌بان یێن بوینه داعش و هێلینا داعش و خیانه‌ت ل ئیزدیان كرین ومه بریار دایه هه‌ر كه‌سه‌كێ ئێزدی ژ هوزا سموقیه دگه‌ل عه‌ره‌بێن بووینه داعش تعاملێ بكه‌ت دێ وی كه‌سی سزادهی‌ن ورێ پێ ناده‌ن كاره‌كێ به‌روڤاژی به‌رژوه‌ندیان ئێزدیان ئه‌نجام بده‌ت.