ئێش و ئازارێن ژنان دكورتە فلمەكێ نوودا
زنار تۆڤی:
دەرهێنەر (ژیوار محەمەد) د دیدارەكێ دا بۆ رۆژناما ئەڤرۆ گۆت: ئەڤە دەمەكە ئەم مژوولی وێنەكرنا كورتە فلمەكی نە ب ناڤێ (ژن) كو ناڤەرۆكا وی بەحسێ گرنگیپێدان و بیرئانین و نیشادانا وان قوناغێن سەخت دكەت كو ژن تێدا دەرباز دبیت و گەلەك ئێش و ئازار تێدا هەنە، مەژی دناڤ ڤی كورتە فلمی دا وان ئێش و ئازار و نەخۆشیان نیشا بدەین.
زێدەتر گۆت: مەرەما مە ژ چێكرنا ڤی كورتە فلمی ئەوە ئەم وان نەخۆشی و ئازاران بۆ خەلكی دیاربكەین، لەورا پێدڤیە پتر رێز و گرنگی ب ژنان بهێتە دانان، ژبەر ڤێ چەندێ مە ناڤێ كورتە فلمی كریە (ژن) پەیڤا ژن واتا دایكێ یە كو وەستیان و قوربانیدلن ژپیخەمەت دروستكرنا خێزانەكا ساخلەم ، ئەڤ كورتە فلمە ژ نڤیسین و دەرهێنانا منە و هەردو ئەكتەران (زریان حەكیم و گولچین عەبدوللا) ب رۆلێن سەرەكی رابووینە.
