ئێكانا من
لایق كورێمه‌ی
ژ ته‌ڤ نێچیران
تو بووی نێچیرا ئێكانه
من باش ل بیره
ئه‌و سۆتنا وی ئاگرێ
ژان و كۆمێن ئه‌ڤان وه‌رزا
سڕ و سه‌قه‌ما هند زستانا
تو باوه‌ر دكه‌ی
ئه‌و كزێنا د ڤی دلی دا
قه‌د سار نه‌كر
ئێ هێش وه‌ك خوه‌یه
وه‌ك ده‌سپێكێ
گاڤ بۆ گاڤێ د ڤی جه‌رگی دا
خوه پتر هار دكر
وه‌ك سه‌رخوشا. ئه‌ڤ برینه
سه‌ودا سه‌ركر
خوه بۆ جاره‌كێ ب تنێ ژی
ته‌نا نه‌كر
ئێكانا من
باش من ل بیره
ده‌ما ئه‌و ناڤ
ل سه‌ر كه‌ڤرێ ڤی نزاری
دهاته كولان
گه‌له‌ك هێرشێن بازیا
خوه كش كرێ
لێ خوه ژێ نه‌بر
گه‌له‌ك گه‌فێن گورڤ و تووریا
قیژ قیژ دكرێ
ئو خوه ژێ نه‌بر
لێ نه‌خوه ژێ بر
نه‌خوه د ڤێ ئه‌شقێ دا.. تێك بر
ته پشتراست دكه‌م
د ڤی سه‌ری دا
هش و سه‌ودا
دێ شێم ژێ به‌م
لێ ئه‌وی ناڤی قه‌د ژێ نابه‌م
د ڤی دلی دا هه‌می تشتا
دێ شێم ژبیركه‌م
لێ باش بزانه
ئه‌وێ. ئه‌شقێ قه‌د ژبیر ناكه‌م
دێ خوه ژبیر كه‌م
لێ ئێكانا خوه
قه‌د ژبیر ناكه‌م
2021/10/14
