ئێكرێزی ژ بۆمبا ئەتۆمی بهێزترە
محەمەد مراد
یا بەرئاقلە، دەمێ دبێژن ئەگەر كورد بوونە دەولەت، دێ دونیا خرابیت، راستە چنكو ل ڤێ جیهانێ هەمی یێن مللەتێن نەدولەت ئێگرێزییا د ناڤ دا هەی، تنێ ئێكرێزی د ناڤ كوردان دا نینە ل هەر چارپارچەیان.
ئێكرێزی ژ قونبەلا نەوەوی مەزنترە، ئەگەر ئەم پێداچوونەكێ تنێ د هەرێما كوردستانێ دا بكەین سالەكێ بتنێ ژی د ڤان 34 سالان دا ئارام نەبوویە، ئێكرێزی ژی چێ نەبوویە، كو تنێ سێ پارێزگەهن و خەلك و مللەتێ وێ هەمی پشكداری نەخۆشییا بووینە، ئەوێن ب سەر شۆرەشێن كوردی هاتینە، سەدێ نۆت پتر، پێشمەرگەبوون و زەحمەت و ماندیبوون ب دویڤ شۆرەشێن كوردی ڤە برینە و هزارەها شەهید و قوربانی پێخەمەتی رزگاركرنا كوردستانێ كرینە قوربانی، هەتا نوكە ژی ژ ئەگەرێن نە ئێكرێزییا حزبێن سیاسی پتریا چار هزار گوندێن كوردستانێ نە هاتینە ئاڤاكرن و ماینە چۆل و تووكا لێ دخوینیت.
ئەو گوندبوون، ئەوێن پتری چاردە سالا شۆرەش و پێشمەرگە بنان و ئاڤ و خوینا خو خودان دكرن و ب ئەگەرێ ڤان ناكۆكیێن د ناڤ حزبێن سیاسی دا ل كوردستانێ، خەلك زۆ بێزاربوویە، هەر چەندە، چەند سالا جارەكێ هەلبژاتن ژی چێ دبەن، لێ چو كارتێكرنێ ل ئێكرێزییا كورد ناكەت، ئەڤە چەند خولێن پەرلەمانی هاتن پێكئینان تنێ دەرگەهێ پەرلەمانی رۆژەكێ دێ ڤەكەن و چەند سالان دێ گرتی مینیت، د ڤان 34 سالان دا هێشتا چار سالان ب دورستی پەرلەمانی دەوام نەكریە و حوكمەتەكا ئاسایی كارێ خۆ ب دروستی نەكریە، هێشتا دو ئیداری یا دیارە ب هەرێما كوردستانێ سەخمەراتی هەولێن نێڤدوەلی و هەڤال و دۆستێن بیانێ لێ حزبێن سیاسێ هێشتا سۆرن ل سەر نە ئێكرێزییا كوردان ل باشور دو حوكمەت و دو پێشمەرگە و پەرلەمانەكێ دەرگەه گرتی.
ئەڤە هەمی دبنە ئەگەر كو مللەتێ كورد ل باشور بێزاركریە، چو باوەری ب دیمۆكراتیەت و هەلبژارتنا نە مینیت، چنكو تاكە رێك بۆ سەركەفتنا مللەتان و چارەسەرییا ناكۆكیێن سیاسیێن هەلبژارتنانە، لێ ل كوردستانێ هەلبژاتن ژی بێ مفانە و ئێكرێزی چێ نابیت، ئەگەر هۆسا برێڤەبچیت، بێ شك دوژمن و نەحەزێن كوردان هیچ هزرەكێ بۆ هەرێمێ ناكەن، چنكو ل دەف وان یارۆن ئاشكرایە، حزبێن سیاسی د كوردستانێ دا هەڤڕك و دوژمنێن ئێكن، هیچ ئێكریزی د ناڤ دا نینە، ئەڤە جهێ دلخۆشیێ بۆ ئیراق و ئیران و توركیا ژی، هەردەم حەزدكەن حزبێن سیاسی یێن كورد نەبن ئێكرێز دا كورد لاواز بن و داخوازیێن مەزن نەكەن.
ئەم هزر دكەین ئاڤەدانی یا هەی ئەڤە ژی لایێ سیاسی ڤەبوو مە دبیتە بەلا و دەه یان ئاریشە و ناكۆكیان پەیدا دكەت، لایەكێ ئاڤەدانی و لایەكێ هەڕفتی و لایەكێ دی چۆل و لایەكێ دەستێن مە سەر ئەڤرازن ئەها ئەڤرۆ مووچە هات، یان نەهات، وەسا ل دەف خەلكی خۆیا بوویە، ژ ئەگەرێن نە ئێكرێزییا حزبێن سیاسێ حوكمەتا ژیێ وێ گەهشت بیت 34 سالیێ نەشێت هەیڤەكێ مووچێ خەلكێ بدەت بووەیە، جهێ پرسیارێ، ئەگەر و فاكتەرێن خۆ هەنە، لێ مللەت و نەئێكرێزییا حزبێن سیاسی، ئەڤە ژی ل بەر خەلكێ كرینە خەون، ئەم دبێژین سویجێن ئێكەتی نە و جار دبێژێن سویجێن پارتینە و جار دبێژین سویجێن ئیراقێنە، یا بوویە خەون و ئالۆزی د ناڤ هەمی تەخ و چینێن جەماوەری، چنكو د ڤان 34 سالان دا ئێكرێزی چێ نەبوویە و دە یان ناكۆكی و شەڕ ژی پەیدا بووینە ل سەر ڤێ سەررەقیا حزبێن سیاسێ مە نیڤەكا ئاخا كوردستانێ ژ دەست دا ل گەل پتریا 60% سەر و سامانێ كوردستانێ.
هەتا نوكە ئەم یێن د لاوازیەكا سیاسی دا دژین، قەد هزرێ ل ئێكرێزیێ ناكەین و ب چاڤێ دوژمنان بەرێ خۆ ددەین ئێكودو، ڤی لایی پارتی و لایێ دیتر ئێكەتی هزر ناكەین هەتا ئەم نەبێن برایێن ئێك نە حوكمەت دورست دبیت و نەهێزێن پێشمەرگەی دبن ئێك و نەدەرگەهێ پەرلەمانی ڤە دبیت، ب ڤێ نە ئێكرێزییێ ئەم د چاڤێن ئیراقێ دا زۆر لاوازكرینە، ئیراق هیچ هزرەكێ بۆ كوردستانێ ناكەت، یان هەر گرنگی ژی ب فیدرالیەت و هەرێمێ ژی نادەت، لەو یا بەرئاقلە وەكی دبێژن ئەگەر كورد بوون دەولەت دێ دونیا خراب بیت، مانێ ل 2017 هێشتا مە دەولەت نەراگەهاندی، ئەرد و ئەسمان ل مە گرتن و ئەگەر ل وی دەمی ئیراقێ ئەڤ ئارامی و هێزە هەبا، دا جارەكا دی كەڤینە د بن دایگیركرنێ ڤە.
