ئێككریزی و موزایه‌دات و ژیانه‌كا فیفتی فیفتی
پشتی سالا 2003 كو سالا رزگار كرنا وه‌لاتێ عێراقی یه ژ سه‌دام حوسێن و هاتنا سه‌د سه‌دامێن دی بۆ سه‌ر كورسیا حوكمی ل عیراقا وێران، ژ وێ رۆژی و هه‌تا نوكه هه‌رێما كوردستانێ كه‌فتیه بن گه‌فێن جودا جودا ژ لایێ به‌غدا ڤه و هه‌ر سه‌رۆك وه‌زیره‌كی هاتبیه و به‌رپرسایه‌تیا حوكمه‌تی وه‌رگرت بیت ب هه‌ر شێوه‌كی هه‌بیت دژاتیا هه‌رێمێ كریه و هه‌تا ڤی دووماهیێ گه‌هشتیه برینا مووچه و پشكا بودجا وی.
هه‌رێما كوردستانی یا كو پر ژ پارتێن سیاسی و هه‌ر ئێكی ژی ئالایه‌ك راكریه و درووشمه‌ك ل سه‌ر نڤێسیه و خه‌لكی پی سه‌رخۆش دكه‌ت، ئانكو كوردستان بوویه جهێ فرۆتنا موزایه‌دان ژ لایی پارتێن وی ڤه و هه‌ر ئێك ل جهی خوه ئالیی دیتر گونه‌هبار دكه‌ت ب جاشاتی و كوردستان فرۆتنێ و هه‌ر سڤیلی خۆلی عه‌یش زه‌ره‌رمه‌نده ژڤی حه‌فحه‌فێ.
ئێككریزیی كار و كریار دڤێت نه‌ك ب تنێ سه‌رخوه‌شكرنا خه‌لكی ب هنده‌ك درووشمان، هه‌تا برینا قیتێ رۆژانه یێ فه‌قیری ژی هنده‌كان بخوه كریه پرۆژه‌یك و شه‌ڕی ل سه‌ر دكه‌ت بۆ هندێ دلینیا خه‌لكی بخوه ب راكێشیت، خه‌لكی چ دڤێت؟
ئێكریزیه‌كا ب كریار دڤیت نه هه‌ر ئیك ل جهی خوه موزایه‌دان ب فرۆشیته ئالیی دی.
خه‌لك یی حه‌مه‌ر بوویی ژ ڤان ئاخفتنان ئه‌ڤه نێزیكی 25 سالانه ئه‌م ل هیڤیا ژیانه‌كا ففتی ففتی به‌س بژین وه‌كو مرۆڤ، هه‌كه راسته به‌غدا ئه‌ڤا هوون دبێژن دكه‌ت ل به‌رامبه‌ر كوردان بۆچی نازڤرن و پایته‌ختێ وان بۆ وان چۆل بكه‌ن و وه‌رن پێكڤه وه‌كو كورد دێ ژین و ژیانا خوه برێڤه‌به‌ن خوه حه‌زكه‌یێ نانه‌كێ ره‌ق بیت و ئاڤه‌كا بێ كلۆر!!.
به‌لیِ بۆرییَِن مه یێن پترۆلی نوكه بووینه به‌حس و خه‌به‌ری هه‌موو ئه‌زمان و رۆژنامێن جیهانی، به‌لێ نه مه چ دیتیه و هه‌تا نوكه ئه‌م ژ سه‌رێ هه‌یڤێ د ترسین خودانی قستا و كریا خانی و حفازێن كنۆیی دێ چاوا كڕین.
مه كریار ژ هه‌وه دڤێن مه ژیانه‌كا به‌خته‌وه‌ریا كوردی دڤێت نه‌یا ره‌نگا و ره‌نگ من فام كر و به‌غدا دوژمنه و دڤێت كوردان نه‌هێلیت و هه‌تا نوكه ژی ئه‌م یێ ل گه‌ل و ستۆیی مه بۆ پاره‌یه‌كێ نانی یێ حه‌لایی یێ خاره.
