ئێكه‌تیا ته‌پا پێی بڕیار و راسپاردێن نوو ده‌ركرن
ئه‌ڤرۆ،
د كۆمبوونا خوه یا ئاسایی دا ئێكه‌تیا ته‌پا پێی یا هه‌رێما كوردستانێ چه‌ند بڕیار و راسپاردێن نوو ده‌ڕكرن ژبۆ خوه به‌رهه‌ڤكرن بۆ كارو چالاكیێن وه‌رزێ نوو یێ خول و قاره‌مانیێن بهێت ژوانا ده‌ستنیشانكرنا هژمارا یانێن پلا نایاب و ژڤانێ تاقیكرنێن دادڤانان.
د كۆمبوونا خوه یا ڤێ حه‌فتیێ دا ئه‌و یانێن دێ پشكداری پلا نایاب بۆ وه‌رزێ 2022- 2023 كه‌ن هاتنه دبنه 16 یانه ئه‌وژی، دهۆك، زاخۆ، ئاكرێ، هه‌ولێر، سیروانی نوو، هندرین، سه‌ید سادق، چه‌مچه‌مال، نه‌وروز، پێشمه‌رگا هه‌ولێر، ده‌ربه‌ندیخان، ئارارات، شێروانه، برایه‌تی، سۆران، شه‌قلاوه و چوارقۆرنه، هه‌روه‌سان داخواز ژ هه‌موو یانێن ناڤێن وان دیاركری كرن ل حه‌فتیا بهێت نوونه‌ره‌كێ خوه یێ كارگێری د كۆمبوونا بهێت دا ئاماده‌بكه‌ن و نڤێسارا فه‌رمی یا پشكداریێ بۆ ئێكه‌تیێ ل گه‌ل خوه بینن.
ژلایه‌كێ دووڤه بڕیار هاتیه دان تاقیكرنێن كۆپه‌ر بۆ هه‌موو دادڤانێن پشكدار د خول و قاره‌مانیان دا ل رۆژێن 29 و 30ێ هه‌یڤا بهێت ده‌ستپێبكه‌ن و د نێزكترین ده‌م دا دێ ژڤان و جهێ ئه‌نجامدانا تاقیكرنێن دادڤانا هێته دیاركرن، هه‌روه‌سان داخواز ژ یانێن پشكداركر د خولا پلا نایاب دا ئێك ژ كارمه‌ندێن خوه یێن كارگێری بۆ سۆبه‌هی چارشه‌مبی ب نڤێساره‌كا فه‌رمی ل باره‌گایێ ئێكه‌تیا ته‌پا پێی یا كوردستانێ به‌رهه‌ڤبیت بۆ كارێن نڤێسارا و ئێمێلێن هنارتنێ، ژلایه‌كێ دووڤه خواندنا دویێ یا رێنمایێن وه‌رزێ نوو ژلایێ ده‌سته‌كا كارگێریا ئێكه‌تیا ته‌پا پێی ڤه ب دووماهی هاتیه و دێ بشێوه‌كێ فه‌رمی هێته په‌سه‌ندكرن و به‌لاڤكرن.
