ئێكه‌تیا ته‌پا پێی یا كوردستانێ دێ ده‌رمالێن دادڤانان پارڤه‌كه‌ت
ئه‌ڤرۆ، ره‌مه‌زان زه‌كه‌ریا
د داخویانیه‌كێدا جه‌لال سه‌عید ئه‌ندامێ ئێكه‌تیا ته‌پا پێی یا كوردستانێ بۆ رۆژناما ئه‌ڤرۆ دیاركر لسه‌ر بابه‌تێ گه‌فێن دادڤانێن خولا كوردستانێ مه چو لێدوانێن تایبه‌ت نین لێ وه‌كو ئێكه‌تیا ته‌پا پێی یا كوردستانێ به‌یاننامه‌یه‌ك به‌لاڤكریه بۆ رایا گشتی.
زێده‌تر ناڤهاتی دیاركر د به‌یانناما وان دا هاتیه كو ئێكه‌تیا ته‌پا پێی یا كوردستانێ ب رێزڤه به‌رێ خوه دده‌ته یاداشتناما دادڤانان ئه‌وا گه‌ڤێن بایكۆتكرنێ كرین و ماندیبوون و پشتگیریا دادڤانان ب رێڤه‌برنا یاریێن خول و قاره‌مانیێن كوردستانێ جهێ رێزێ یه و هه‌ست كرنه ب به‌رپرسیاریه‌تیا وان و خه‌مخۆر بۆ پێشكه‌فتنا ته‌پا پێی ل هه‌رێما كوردستانێ .
هه‌روه‌سا د به‌یاننامێ دا هاتیه: ئه‌م هه‌وه ب ستوینا سه‌ره‌كیا بۆ برێڤه‌برن چالاكیێن ته‌پا پێی یا كوردستانێ دزانین، ئه‌م پشت راستبووین ژ دلسوزیا هه‌وه وه‌كو ئه‌ندامه‌كێن كارا و كاریگه‌ر ل فیدارسیۆنا ته‌پا پێی یا كوردستانێ كو هه‌ست ب به‌رپرسیاریه‌تیێ دكه‌ن هه‌ر ئه‌ڤه ژی ل هه‌وه‌یێن دلسوز د هاته چاڤه‌رێكرن، ئه‌م هه‌وه پشتراست دكه‌ین ل ده‌مه‌كێ نێزیك دێ ده‌رماله و پاداشتێن خوه وه‌كو مافه‌كێ ره‌وایێ یێ هه‌وه پارڤه‌كه‌ین، سوپاس و پێزانێن مه بۆ هه‌وه یێن خه‌مخۆرو دلسوز پشته‌ڤانیا ته‌مام یا مافێن هه‌وه دكه‌ین و ب چاڤێ رێز ل یاداشتناما هه‌وه دنێرین.
