ئێكه‌تیا تەپا پێ یا عیراقێ یانا هه‌ولێر ب توندى سزادا
ئه‌ڤرۆ نیوز، زنار:
ئێكه‌تیا ته‌پا پێ یا عیراقێ هژماره‌كا سزایان ل سه‌ر یانا هه‌ولێر یا وه‌رزشى سه‌پاند پشتى هژماره‌كا پشته‌ڤانێن وێ هێرشى دادڤانێن یاریا وێ دگه‌ل یانا سیناعات كهربائیه كرى پشتى یانا هه‌ولێر د وێ یاریێ دا تووشى خوساره‌تیێ بورى ل حه‌فتیا بورى.
د ڤێ یاریێ دا ئه‌وا هه‌ولێر ب سێ گۆلان به‌رامبه‌ر دو گۆلان تووشى خوساره‌تیێ بووى سه‌ره‌راى كو یارى بێ جه‌ماوه‌ر برێڤه چووى هنده‌ك ژ پشته‌ڤانێن یانا هه‌ولێر پشتى یاریێ ب دووماهى هاتى هاتنه د یاریگه‌هێ دا و هێرشى دادڤانێ یاریێ كرن و دیسان هێرشى ستافێ كه‌نالێ عیراقیه یێ وه‌رزشى كر، له‌ورا بۆ ئه‌گه‌ر ئه‌ڤرۆ رۆژا ئێكشه‌مبى ئێكه‌تیا ته‌پا پێ هژماره‌كا سزایان ل سه‌ر یانا هه‌ولیچر ب سه‌پینت ژوانا:
1. سزادانا یانا هه‌ولێر ب كوژمێ 10 ملیۆن دیناران.
2. هه‌تا دووماهىیا ڤێ وه‌رزشى یارى ل یاریگه‌ها فره‌نسو حه‌ریرى دێ بێ جه‌ماوه‌ر بیت.
3. سێ یاریێن بهێت یانا هه‌ولێرێ دێ ژ ده‌رڤه‌ى یاریگه‌ها خوه یاریێن خوه كه‌ت.
