ئێكهتی و سیاسهتا دروستكرنا قهیرانان!
ئهم ل مێژوویا ئێكهتی نیشتیمانی كوردستان نازڤرین كا ل شۆرهشا ئیلۆنێ و پشتی شۆرهشێ چ پیلان گێراینه و بهحسێ رۆلێ ئێكهتیێ ناكهین پشتی رێكهفتنا جهزائیرا ل سالا 1974 و ژناڤچوونا شۆرهشا كوردی و ناچینه ناڤهرۆكا پیلانا سالا 1982 دگهل رێژێما بهعس دژی پارتی و ناڤهرۆكا كارهساتا ههلبجه و ئهنفالان بهحس ناكهین ل سالا 1988 و بهحسێ هلكرنا شهڕێ براكوژیێ ناكهین ل سالا 1993، بهلكو دێ بهحسێ رۆلێ ئێكهتیێ كهین ل ڤان سالێن بۆری ههر ژ سالا 2009 تا دهستپێكا سالا 2016، ئهو بوو ل ههلبژارتنن سالا 2009 ب ئێك لیست دگهل پارتی پشكداری د ههلبژارتنان دا كر كو ل وی دهمی گۆڕان ژ ئێكهتیێ جودا ببوو و ب تنێ پشكداری د ههلبژارتنان دا كر و پشتی ئهنجام هاتینه راگههاندن دیار بوو كو ههر ئێكهتیێ دهنگێ خوه دایه گۆڕان و ل دووڤ رێكهفتنا ستراتیجی ئێكهتیێ نیڤهكا پۆستان وهرگرتن و تشتێ سرنجراكێش ئهو بوو كو گۆڕان د ئێكهم ههلبژارتن دا 25 كورسی ب دهست خوهڤه ئینان! پشتی پیلانا گۆڕان و ئێكهتیێ سهر نهگرتی ل ههلبژارتنێن سالا 2009 ئهو بوو ل ههلبژارتنێن سالا 2013 ئێكهتیێ خوه ئێكلا كر و ب لیستهكا جودا هاته د ناڤ ههلبژارتنان دا و تووشی شكهستنهكا مهزن هات و بوو حزبا سیێ پشتی 18 كورسیك ب تنێ ئیناین!
بهلێ ل وی دهمی ئێكسهر چهند سهركردهكێن ئێكهتیێ گۆت سهنگێ ئێكهتیێ ب كورسیكا نائێته زانین، بهلكو ب هێزا لهشكری و ئابووری و گهف ل پارتی كرن كو دهستههلاتا وێ تا دیگهلهیه!! و پیلانا بڕینا بودجهی و مووچان دگهل بهغدا گێرا بۆ لاوازكرنا پێگههێ پارتی ل ههرێمێ و ل عیراقێ و هاندانا خهلكی دژی پارتی! ل وی دهمی سهركردێن گۆڕان شیان مفای ژ ڤان ناكۆكیان ببینن د ناڤبهرا ئێكهتیێ و پارتی و دهرزهكا مهزن ئێخسته د ناڤبهرا ئێكهتیێ دا و تووشی كێشه و قهیرانێن ناڤخۆیی كرن و شیا كونترۆلا زونا كهسك بكهن و رێكهفتنهكا ل دووڤ مهرج و داخوازیێن خوه دگهل پارتی ئیمزا كر! ئهوێ رێكهفتنێ زهنگا مهترسیێ لێ دا د ناڤ ئێكهتیێ دا و سهركردایهتیا ئێكهتیێ زانی ئهگهر ئهڤ حوكمهته ب ڤی رهنگی یا بهردهوام بیت دێ ئێكهتی ب تمامی ژ ناڤ چیت، د ههلبژارتنێن سالا 2014 دا یێن ئهنجومهنێ نوونهرێن عیراقێ، دیسا ئێكهتی ب لیستهكا جودا پشكداری د ههلبژارتنان دا كر ب هاریكاریا ئیرانێ و مالیكی سهختهكاریهكا ئێكجار مهزن بۆ ئێكهتیێ هاتهكرن بۆ بهێزكرنا ئێكهتیێ و ل وی دهمی پیلانهك ههبوو سێ باره مالیكی ببیته سهروۆك وهزێرن عیراقێ و ئێكهتی پشكداریێ د حوكمهتێ دا بكهت بێ پارتی و ب نهچاری پارتی بكهنه ئۆپۆزسیۆن! لێ دیسا ئهوێ پیلانا وان ژی سهرنهگرت، بهلكو بهرۆڤاژی هاوارا خوه گههانده پارتی داكو پۆستێ سهرۆك كۆماری ژێ نهئێته وهرگرتن!.
پشتی پهیدابوونا داعش و گرتنا وێ بۆ چهند دهڤرێن گرنگێن ههرێما كوردستانێ وهكی شنگالێ و مهخمورێ و زومار و گولاله و سهعدیه و چهندین دهڤهرێن دی ئێكسهر ئێكهتیێ راگههاندنا خوه ئێخسته كاری و ب ههماههنگی دگهل راگههاندنا گۆڕان و پهكهكێ و دژی پارتی كار كر و ههر ههمی بارگرانی و قهیران ئێخستنه سهر مللێن پارتی!! و دگهل قهیرانا شهرێ داعش سهركردایهتیا ئێكهتیێ شیا لایهنێن دی رازی بكهت كو بابهتێ سهرۆكاتیا ههرێمێ ب ئازرینن و بهرهیهكی دژی پارتی دروست بكهن بو دووركرن و لاوازكرنا پارتی ژ دهستههلاتێ و ئالایێ ڤی شهری داف بزاڤا گۆڕان! مخابن ئهڤی بابهتی قهیرانێن مازن ل دووڤ خوه دا ئینان و زهرهرهكا مهزن ل پارتی كر و نهچار كر ب زمانێ گهفێ و هێزێ رهفتارێ بكهت بۆ راگرتنا بارودوخی و پارستنا ههرێمێ! و ئێكهتیێ باش دزانی ئهف قهیرانه دێ حوكمهتێ و پهرلهمانی لاواز كهن، چونكی ب رێكهفتن هاتینه دانان و ههر گاڤا ئهڤ رێكهفتنه نهما دێ حوكمهت و پهرلهمان ژ كاركهڤن و قهیرانا دارایی دێ پارتی تووشی شكهستنهكا مهزن كهت! و بۆ تێكدانا پهیوهندیێن پارتی و حوكمهتێ دگهل توركیا سهرانێن ئێكهتیێ و گۆِرانێ كهمپینێن بانگهشا ههلبژارتنان دانان بر ههدهپێ ل توركیا! ئانكو پیلان گهلهكا مهزن بوو بۆ لاوازكرنا پارتی! پشتی ڤان پیلانان خرا و خولقاندنا قهیرانا رۆژ بۆ رۆژێ ئێكهتی و گۆڕان لاوازتر لێهاتن و ناكۆكیێن مهزن كهتنه د ناڤبهرا وان دا تایبهت پشتی سۆتنا بارهگههێن پارتی ل زونا كهسك و نیلی! ئهو بوو ب نهچاری دووباره ئێكهتی هاته لایی پارتی، بهلێ دیسا ب خولقاندنا قهیرانا ئهو ژی نهچاركرنا پارتی ب كرنا چاكسازیا! و ئهگهر ئهم تهماشهی راگههاندنێ بكهین تایبهت یا ئێكهتی و گۆڕان دێ بینین هوسا دهنه خویاكرن كو پارتی ئهگهرێ دروستبوونا ڤان ههمی قهیرانایه و دڤێت ئهو چاكسازیان بكهت و ههر وهكی چ گهندهلی و كهسێن گهندهل ل زونا كهسك و نیلی نینن و شیان پارتی د چاڤێ خهلكی دا تا رادهكێ مهزن بشكێنن! دگهل خولقاندنا ڤان پیلانا خرا ئێكهتی شیا ببیته هێزا دویێ ڤه ل ههرێمێ و پێگههێ خوه ل كوردستانێ و عیراقێ بهێزتر لێ بكهت و ناما خوه گههانده پارتی كو ئیدارا كوردستانێ نائێته كرن بێی ئێكهتیێ!.
ئهڤجا ئهڤه ئهگهر ئهم بزانین كو ئێكهتی د ناڤ ڤان ههمهوو قهیرانان دا شیا چهند كێشێن دی بخولقینیت وهكی دروستكرنا حهشدا شهعبی ل شنگال و زومار و رادهستكرنا چهند ناوچهكێن مادێ 140 بۆ حهشدا شهعبی وهكی جهلهولا و سهعدیه و خورماتو وخولقاندنا چهندین كێشێن دی!! لێ پشتی چ پیلانێن وان سهرنهگرتی و كاودانێن بهغدا گههشتینه ڤی رادهی كو پهرلهمان و حوكمهت ژ كار كهفتینه و بابهتێ سهربخۆیی و ئهنجامدانا ریفراندومێ زۆ یار گهرم بووی و ئیرانێ ب ئاشكرایی دژایهتیا خوه بۆ دیاركری و دیسان ئێكهتی و گۆڕان نهچار كرن رێكهفتنا دهباشان نوو بكهن و بهرفرهه بكهن و بهرهیهكی دژی پارتی دروست بكهن داكو بابهتێ سهربخویێ ژ ناڤ ببهن و دیسا بهغدا ل سهر كیستێ كوردان بهێز بێخن! لهورا نهوشێروان ڤهگهریا و د ماوهكێ زورێ كێم دا رێكهفتن هاته ئیمزا كرن و راگههاندن و ههر زوو راگههاندنا ههر دولا، ئانكو ئێكهتیێ و گۆڕانێ نامێن توند یێن گرێدانا دانیشتنا پهرلهمانی و گهۆرینا سیستهمی و سهرۆكاتیا ههرێمێ گهرم كرنهڤه ب تنێ بۆ لاوازكرنا پارتی و ژ ناڤبرنا پرسا ریفراندومێ و سهربخویێ! ئهڤه وێ چهندێ دیار دكهت كو ههردهم لایهنێ لاواز دشێت ب سهناهی كێشا و قهیرانا بخولقینیت و لایهنێن ب هێز تووشی گرفت و كێشن مهزن بكهت و ههڤسهنگیهكێ د ناڤبهرا خوه دا چێ كهن! و دیار دبیت كو بۆ ئێكهتیێ و گۆڕانێ قهد كوردستان یا گرنگ نهبوویه قهدهر گرنگیا پاراستنا بهرژهوهندیێن وان! و فهره سهركردایهتیا پارتی مفای ژ ڤان كاودان و قهیرانان ببینیت و ههر زوو ریفراندوم بێته كرن، چونكی ئهگهر بهژهوهندیێن ڤان لایهنا تێك چوون دشێن ب سهناهی قهیرانا دروست بكهن.
