ئێكه‌مین بیرا خوێ یا سروشتی دكه‌ڤیته ده‌ڤه‌را بارزان
بارزان، ره‌مه‌زان هه‌رنی:
ده‌مێ چه‌ندین سالایه ئاكنجیێن ناحیا پیران ل ده‌ڤه‌را بارزان خوێ ل كانیه‌كا سروشتی به‌رهه‌م دئینن و ل گور وان ڤه‌كولینێن هاتیه ئه‌نجامدان ئه‌و خوێ باشترین جۆره ناحیا پیران دكه‌ڤیته سنوورێ قه‌زا مێرگه‌سۆر ل ده‌ڤه‌را بارزان ئه‌وێن خوێ یا سروشتی به‌رهه‌م دئینن هه‌تا نوكه خوێ نه‌كریه.
سه‌همی پیرانی، ئاكنجیێی ناحیا پیران ده‌ڤه‌را بارزان بۆ رۆژناما ئه‌ڤرۆ گۆت: كانیا خوێ یا سروشتی ل ده‌ڤه‌را بارزان كو شه‌ش مه‌ترا یا كووره رۆژانه 200 بۆ 300 كیلۆیا به‌رهه‌مێ خوێ یه ئه‌وێن بۆ خوه خوێ به‌رهه‌م دئینن ب سره خوێ وه‌ردگرن ئه‌ڤ بیره خوێیه ب تنێ خه‌لكێ پیران مفای ژێ وه‌ردگرن. ده‌رئینان و كار كرن بۆ به‌رهه‌مئینانا خوێ پێدڤی ب زبارێ هه‌یه ژبه‌ركو كه‌سه‌ك پێدڤیه ئاڤێ ژ كانیێ بینن ده‌رێ پاشی پاقژ بكه‌ن و دووڤرا ب كه‌لینن دناڤ حه‌زوێ دا هه‌تا كۆ ببیته خوێ.
گوتژی : به‌رهه‌مئینانا خوێ ل كانیا بیره خوێا سروشتی ل پیران چه‌ندین قوناغا ده‌رباز دكه‌ت هه‌تا دگه‌هیته قوناغا كۆمكرنا و دابه‌شكرنا خوێ وه‌ك كه‌لاندنا خوێ ب چه‌ند قوناغا هه‌تا خوێ دگه‌هیته قوناغا به‌رهه‌مئینانێ رۆژه‌ك پێدڤیه ئه‌و ژی بۆ وان كه‌سا یێن كار لسه‌ر بیرێ كری بۆ وێ رۆژێ ، هه‌ركه‌سێ بخوازیت خوێ به‌رهه‌م بینیت پێدڤیه كار لسه‌ر بكه‌ن ب درێژاهیا ئێك رۆژ.
ئاشكرا كر، كانیا خوێ یا پیران بۆ مه یا گرنگ و پیرۆزه ل سه‌رده‌مێ باب و باپیران بۆ مه مایه ، چه‌ند ژێده‌ر ئاماژه ب شێخ یوسف دكه‌ن كۆ ئێكه‌م كه‌س بۆ وه خوێ دروستكری و به‌رهه‌مئینای ل پیران د هه‌مانده‌مدا وه‌ك كه‌سایه‌تیه‌كێ به‌رنیاس و ئاینی ناڤ بانگ هه‌بووه ل ده‌ڤه‌رێ.
خویاكر: مێژوویا بیرا خوێ ل پیران زۆرا كه‌ڤنه هه‌تا نوكه وه‌ك خۆمایه تێك نه‌چوویه، به‌لێ خه‌لكێ گوندی ل ده‌مێ پێدڤی ب زباره كانییێ پاقژ دكه‌ن ماددێ سویر یێ خویه بۆیه ئه‌گه‌ر كۆ دیوارێن بیرێ ب پاراستی مینن ژبلی نافخۆیا خه‌لكێ پیران وه‌لاتی ل ده‌ڤه‌رێن دژی بۆ چاره‌سه‌ریا نه‌خوشیان داخواز دكه‌ن و خه‌لكێ گوندی ژی ب دیاری دوست و هه‌ڤالێن خوه دهنێرن.
