ئێكه‌مین جاره
ئه‌ڤرۆ نیۆز،زنار تۆڤى:
سترانبێژێ گه‌نج سدقى بناڤى كو بۆ جارا ئێكێ یه ل گه‌ل سترانبێژه‌كا كچ سترانه‌كا دوقۆلى ل سه‌ر ریفراندۆما سه‌رخوه‌بوونێ دبێژیت و د دیداره‌كێدا بۆ ئه‌ڤرۆ نیۆز دیاركر:هه‌تاكو نوكه من چو ئه‌لبۆم چێنه‌كرینه،لێ من به‌رهه‌ڤى بۆ چێكرنا ئه‌لبۆمێ ژى كرینه و چه‌ندین په‌یڤ و ئاواز ل به‌رده‌ستێ من هه‌نه،هه‌روه‌سا هه‌تاكو نوكه من پترى 20 كلیپان چێكرینه كو هه‌موو وارێن ژیانێ ب خوه‌ڤه گرتینه و هه‌رده‌م من ڤیایه خزمه‌تا هونه‌رێ كوردى بكه‌م،هه‌روه‌سا چه‌ندین په‌یڤ و ئاواز ژى من داینه هه‌ڤالێن خوه یێن سترانبێژ و دیسا ب چه‌ندین په‌یڤ و ئاوازان من خزمه‌تا زارۆیان ژى كریه و چه‌ندین په‌یڤ و ئاواز من داینه زارۆیێن سترانبێژ و دیسا ل هه‌موو هه‌لكه‌فت و بیروه‌ریێن كوردستانێ من ستران پێ گۆتینه.
هەروەسا گۆت ژى:نوكه من سترانه‌ك ل سه‌ر ریفراندۆما سه‌خوه‌بوونا كوردستانێ چێكریه ب ناڤێ”ئه‌ز دبێژم به‌لێ،بۆ سه‌رخوه‌بوونا كوردستانێ” كو ژ په‌یڤ و ئاوازێن وى ب خوه‌نه،هه‌روه‌سا من ئه‌ڤ سترانه ل گه‌ل سترانبێژه‌كا كچ یا باكۆرێ كوردستانێ ب ناڤێ “نۆپه‌ل هه‌ژان ئه‌ك” گۆتیه،كو خه‌لكا باتمانێ یه و هه‌روه‌سا ئه‌ڤه ئێكه‌م جاره ئه‌ز سترانه‌كا دوقۆلى ل گه‌ل كچه‌كێ دبێژم.
سدقى زێده‌تر دبێژیت:نوكه ئه‌ڤ سترانه یا دقۆناغا مۆنتاژكرنێ دا،هه‌روه‌سا ده‌رهێنه‌رێ گه‌نج به‌یار باشۆرى ب كارێ وێنه‌گرتنێ و ده‌رهێنانێ رابوویه و ل ستودیۆیا ئێم میۆزیك هاتیه تۆماركرن،ئه‌ڤ سترانه ب پشته‌ڤانیا ئه‌ندازیار شه‌وكه‌ت تاها و ئه‌مجه‌د عوبه‌ید و عه‌زیز مالتایى و گرۆپێ ئالاڤه هاتیه چێكرن و دیاركر ژى:من ل به‌ره د داهاتى دا چه‌ندین كارێن دى ژى ئه‌نجام بده‌م،كو هنده‌ك ژ وان كارێن دوقۆلى نه و هه‌روه‌سا دێ هنده‌ك سترانێن نه‌ته‌وه‌یى و ئه‌ڤینى ژى بێژم.
