ئێكه‌م جاره وه‌رزێ كڤاركا ل ده‌ڤه‌را ئه‌ترۆش گیرۆ دبیت
ئه‌ڤرۆ نیوز، بارزان مزوورى:
ل ده‌ڤه‌را ئه‌ترۆش سالانه ل دوماهیا هه‌یڤا 12 وه‌رزێ ده‌ركه‌فتنا “كڤاركا” یە، به‌لێ هه‌تا نها كڤارك لبن عه‌ردى ده‌رنه‌كه‌فتینه ژ ئه‌گه‌رێ گیرۆبوونا بارانێ ، وه‌لاتیێن ده‌ڤه‌رێ دبێژن بۆ ئێكه‌م جاره ئه‌ڤه زێده‌ترى 20 ساله ئه‌ڤ دیارده دروست دبیت.
كاوه عومه‌ر عه‌زیز، ئێك ژ وه‌لاتیێن ده‌ڤه‌را ئه‌ترۆش بۆ ئه‌ڤرۆ نیوز گۆت:سالانه ل ده‌ڤه‌را ئه‌ترۆش دوو وه‌رزا كڤارك لبن عه‌ردى ده‌ركه‌فتن ل دوماهیا هه‌یڤا 12 ل ده‌ست پێكا بهارێ ،به‌لێ د وه‌رزێ ئێكێ دا ل هه‌یڤا 12 ل ده‌ڤه‌رێ كڤارك لبن عه‌ردى ده‌رنه‌كه‌فتن ژ ئه‌گه‌رێ گیرۆبوونا بارانێ،
ناڤهاتى خویاكر سالانه وه‌لاتیێن ده‌ڤه‌رێ به‌رهه‌ڤیێن باش دكرن بۆ ده‌ست ڤه ئینانا وان ژبه‌ركۆ داهاتیه‌ك باش دگه‌هشته وان ،دناڤ بازارى دا ب بهایه‌كێ گران كیلویا وان دفرۆت.
هه‌لكه‌فت سلێمان،ئێك ژ وه‌لاتیێن ده‌ڤه‌را ئه‌ترۆش بۆ ئه‌ڤرۆ نیوز گۆت:ل ده‌ڤه‌را مه باشترین جورێ كڤاركا لێ هه‌بون دناڤ بازارى دا سه‌رنجا كریارا د راكێشاخۆ ژبه‌ر تام و ره‌نگێ وان ،گه‌له‌ك وه‌لاتیێن ده‌ڤه‌رێ رۆژانه زێده‌ترى 20 كیلۆیێن كڤاركا كوم دكرن ل سه‌ر رێكا یان دناڤ بازارێ قه‌سرۆك شێخان دفرۆتن.
