ئێكگرتوو چ كر؟
سالار دۆسكى
دیاره ئێكگرتوو ئیسلامى كوردستان، پشتى دو رۆژان ژ گهنگهشهكرن و كۆمبوونان گههشته وێ باوهریێ كو دڤێت لژنهك ژ حزبێ بهێته پێكئینان و سهردانا حوكمهتێ بكهت و دهرفهتهكێ بدهنه حوكمهتێ كو كێمتر ژ ههیڤهكێ بهرنامهكێ چاكسازیان ئهنجام بدهت كو چهندین تهورا ب خوه ڤهدگرن و چهند خالهكێن ههڤپشكن ژ بهرنامێ ههر دو حزبێن گۆران و كۆمهلا ئیسلامى كو بهرى ڤهكێشانێ ژ حوكمهتێ خواست ل سهر ههرفڕینا حوكمهتێ ههبوو و چێبوونا حوكمهتا ڤهگوهاستى بهێتهكرن، دیاره هزركرن ل مان و ڤهكێشان ژ حوكمهتێ ژلایێ ئێكگرتوو ئیسلامى ڤه، پشتى بریارا ههر دو حزبێن گۆڕان و كۆمهلێ هات، ئهڤه جۆره پاشگۆیهكا ههر دو حزبان دهێته دیاركرن، ئهڤه وێ چهندێ دیار دكهت كو ئهگهر ئهڤان ههر دو حزبان ههلویستێ خوه دیارنهكربا، ئێكگرتوو یا رازى بوو و ههتا ههلبژارتنان ژى دا یا بێ دهنگ بیت، دو ئێگرتوو كهفته بن فشارێن ههر دو ئالیان یان حوكمهت یان ئوپزسیوون و دڤێت بریارێ بدهت، دیسا هزر وێ چهندێ ژى بكهت كو مفایى ژ كاودانان وهربگریت كو یا نێزیكى ههلبژارتنان بیت وهك جاران دارى ل نیڤهكێ بگیریت، ئێكگرتوو ژى دزانیت كاودان ب چ رهنگ و حوكمهتا ههرێمێ و سهركرداتیا كوردى پشتى پرۆسا گشتپرسیێ و 16 ئكتوبهرێ كهفتیه بن چهند گڤاشتنێن ناڤخوهی و دهرهكى و ههرێمێ، دیسا ئابلۆقێن حوكمهتا بهغدا گرتنا فرۆكخانا و گرتنا خالێن سنۆرى و كێمبوونا داهاتێ حوكمهتێ و كاركرن ل سهر پاشكهفتكرنا مووچێ پێشمهرگهى و دهنگێ جادێ و هاتنا دهستێن دهرهكى بۆ ناڤ ههرێمێ بۆ مهرهمێن تایبهت و لڤاندنا جادێ و چ دارێن سحرى حوكمهتێ نین 22 رۆژان دا بهرنامێ حوكمهتێ ب گوهۆرین و ئهوا گۆران و كۆمهلێ دگۆت بۆ ئێكگرتوو بجه بینیت، ئێكگرتوو بكهته درووشم كو شیا ئهڤى كارى ههمیێ ب حوكمهتێ بكهت، لێ یا ئهز دبینم، ئێكگرتوو دبیت ئهڤ ئارمانجه ههبن ژ ئهڤێ دهرفهتێ، ئێك خوه بكهته نوونهرا خهلكێ سلێمانیێ و ههلهبچه داخوازا ئازادكرنا خوهنیشاندهران دكهت، مفایى ژ ڤێ دهلیڤێ بینیت كو دهنگدان بخوه ل دهڤهرێ رابكێشیت، دیسا بهحسێ پاكرنا لیستا دهنگدهران دهێتهكرن كو ئهڤه دچارچووڤێ پرۆگرامێن ههردو حزبێن خوه ڤهكێشیان ژ حوكمهتێ بوو، دیسا خوهشكرنا ژین و ژیارا خهلكى و پاكرنا لیستا مووچان، دبینم ئهڤه خواستێن ههموو حزبێن كوردستانێ نه و حوكمهتا ههرێما كوردستانێ ژى یا ههموو بزاڤان دكهت ژین و ژیارا خهلكى خوهش بكهت، دیسا ئهو حوكمهتا پتر ژ سێ سالانه تو پشكدار تێدا بۆچى د كۆمبوونێن حوكمهتێ دا یان پهرلهمانى دا ب رێیا نوونهرێن خوه و كار ل سهر ناكهى، دێ بۆ دهرڤهى حوكمهتێ كهیه مهرج و چهند رۆژان موولهتان دهیێ تو زانى ئهو حوكمهتا نهشێت پتر ژ سێ سالان ئهڤان كاران ئهنجام بدهت، چ جاران نهشێت ماوێ كێمتر ژ ههیڤهكێ ئهنجام بكهت و سهرهرایى ڤان كاودانێن بهرتهنگ و ئالۆز و گڤاشتنێن ناڤخوه و دهرڤه، دیسا بهحسێ ئێكرێزیا نشتیمانى ژى هاتیهكرن كو دڤێت بیست و دو رۆژان دا بهێتهكرن، دبینم تشتهكێ رۆهنه و حوكمهت پێشتر گهل ههموو پارتێن حوكمهتێ دا كۆمبوون لێ ههر ئێكێ بهرنامهك و گۆتنهك ل دووڤ بهرژوهندیێن خوه ههیه، لهوما دیاره ئێكگرتوو ئیسلامى باش دزانیت د ناڤ حوكمهتێ دایه و كاودان ب چ رهنگن و حوكمهت نهشێت ئهڤى كارى ئهنجام بدهت و ب تنێ مهرهما وێ راكێشانا جادێ یه كو نوونهرا خهلكى یه و دیسا گڤاشتنه ل سهر حوكمهتێ كو دێ ته ژ كهتنێ رزگاركهم و ئێكگرتوو دێ بیته ئهگهر دهستێن دهرهكى و خواستێن ههر دو حزبێن گۆران و كۆمهلا ئیسلامى نههێنه بجهئینان، دیسا دا حوكمهت هندهك خال بۆ ب شهفهوى بجهبینت و بهرسڤدان، پاشهرۆژێ ببنه درووشم بۆ ههلبژارتنان كو مه پشكدارى حوكمهتێ داكر مه ئهڤه كر، دیسا رهڤینه ژ وێ گڤاشتنا گۆڕان و كۆمهلێ كو ئهوان بریار دا و ئێكگرتوو دێ چ بێژیت؟، دیسا دبیت دهنگۆیهك ههبیت ههتا سالا نوو گوهۆرین د ناڤبهرا ههر دو حوكمهتێن عیراقێ و كوردستانێ دا بهێنه روودان و دهست ب دانوستاندنا بهێتهكرن كو ئێكگرتوو دزانیت خالێن دانوستاندنان دێ چ بن وهك خواستێن خوه نیشاندهران و دیسا دانا مووچا و ئهڤێ ژى بكهته دهسكهفت بخوه بۆ ههلبژارتنێن 2018 لێ یا من ڤێت بێژم، یا ههر كۆمهلا ئیسلامى و گۆڕان كرى و دیسا ئێكگرتوو ژى كار ل سهر ئهنجامدایى، ڤهكێشان ژ حوكمهتێ رهڤینه ژ كاركرنا حوكمهتێ و ب تنێ خوه بهرههڤكرنه بۆ ههلبژارتنێن داهاتى و زێدهكرنا دهنگان و ههر پێنچ حزبێن حوكمهت پێكئینایى ههڤپشكێن سهركهفتن و كهفتنێن حوكمهتێ نه و خهلكێ كوردستانێَ ئهڤێ چهندێ باش دزانن.
