ئێكەتیا ئورۆپا سزایێن ئابووری دئێخنە سەر بریتانیا
ئەڤرۆ نیوز ، زنار تۆڤی :
27 وەلاتێن ئورۆپی پرۆژە قانوونەک ئامادەكریە بۆ سەپاندنا سزایێن ئابووری ب سەر بریتانیا دا،هەکە پابەند نەبیت ب جێبەجێكرنا قانوونێن ئێكەتیا ئورۆپا د ماوێ ڤەگواستنا چوونا ژ دەرڤە ژ ئێکەتیا ئورۆپا.
ل حەفتی شوباتێ كۆمبوونا ئێکەتیا ئوروپا ب دوماهی هاتیە و تێدا گفتوگۆ ل سەر پرۆژە قانوونەکێ كریە،کو بریتانیا نەچار بكەت،ب جێبەجێكرنا قانوونێن ئێکەتیا ئورۆپا ل بریتانیا.
ئەو پرۆژە قانوونە هەر 27 ئەندامێن ئێکەتیێ ئیمزا كریە، بەلێ چاڤدێرێن بریتانی دبێژن دەرچوونا ڤێ قانوونێ دێ بریتانیا سەروەریا خوە ژ دەست دەت و دێ بیتە وەلاتەکێ سەر ب ئێکەتیا ئوروپا.
دیارترین سزا ژی رێگرتنە ل بریتانیا بۆ هاتنا ناڤ بازارێ ئێکگرتی یێ ئێکەتیا ئورۆپی،هەکە پابەند نەبیت ب یاسایێن ئێکەتیا ئورۆپا.
برگەکا دیتر ژی ئەوە کو بریارە ل 8 شوباتێ بهێته راگەهاندن،پشتی ژناڤبرنا گفتوگۆیێن برۆكسل،ئەو ژی ئەوە کو ئێکەتیا ئورۆپا دەستهەلاتا هندێ هەیە،کو هندەک مفایێن ئەندامبوونا بریتانیا ل بازارێ ئێكگرتیدا ژناڤ ببەت.
ژێدەرەکێ ژ ئێکەتیا ئوروپا ئاشكرا كریە،کو سزایێن دناڤا وی پرۆژەیدا هاتین،ناهێنە جێبەجێ کرن،هەکە وەلاتەکێ ئورۆپی سكالایێ تۆمار نەكتت ل بەردەم دادگەها ئێکەتیا ئورۆپا.
