ئێكەم كەس بووم ل شۆڕەشا گولانێ موختەبەرا وێنەیان دانای
دیدار، سالار محەمەد دۆسكی:
و خودێ ژێ رازی (فەلەكدین كاكەی) و (رێبوار یەلدا) پێشوازی ل مە كر و مە پوستێ خوە رادەستی جەنابێ وان كر و گەلەك كەیفا وان هات چوومە چارەسەریێ ل ئیرانێ و زڤرینێ چوومە مەكتەبا سیاسی، و دیسا پوستەك هەبوو كو بگەهینمە لقێ ئێك و مانا مە ل ئیرانێ دو هەیڤ ڤەكێشا ، و هندەك تشت مە ل گەل خوە ئینان وی دەمێ سالێ گەلەك یا بزحمەت بوو رێكێ دەربزای بكەی، و مە ژی هەڤركیا رێكێ كر كو دڤێت ئەم دەربازبین و ئەو دەڤەرا سێ گوشا یا دناڤبەرا هەر سێ وەلاتێن توركیا و عیراق و ئیرانێ كوژەكێن مرۆڤا بووینە، و گەلەك بەفر دهێت و مە بریار دا بزڤرین و هەتا بارەگایێ پێشمەرگەی ل ( نەغەدێ) گۆتن دڤێت گەل بانگێ سپێدێ هوون بچن چونكە هەر دەمێ تاڤێ ل بەفرێ دا دێ چنە خوارێ و دێ خەندقن و جانتە و چەك ل گەل مە هەنە و زێدەی هێزا مەنە و ئەف دەڤەرێن سنوری گەلەك ب مەترسی بووینە و چارێكا چیای مە ب دووماهی ئینا و چیا گەلەك بلند بوویە و گەلەك ب هشیاری دچین و دەمێ رۆژ دەركەفتی ناف چاڤێن من تێكچوون چونكە كێمیایێ گەلەك كارتێكرن ل چاڤێن من كربوو و ئێكسەر من قێریا دا و دا راوستم و ئەڤێ چەندێ ژی گەلەك دەمێ مە دبر و هێدی هێدی و هندەك جهان خوە خشینین و گەلەك یا درێژ بوو و ب دەمژمێرانە و ژوور دا چینە خوارێ و گوندەك ل خوارێ هەیە و ئەم حەواندین و ناف چاڤێن من دەرمانكرن ژن و زەلامێن مالێ و گەلەك مەندەهوش بوون بۆ ڤێ ماندیبوونێ و مەترسیا دەربازبوونا رێكێ و بەری بگەهینە وی گوندی مە جانت و كەل و پەلێن خوە هێلا بوونە ب رێكێ ڤە و دەمێ گەهشتینە گوندی بابێ من چوو هێسترەكێ بینت دا تشتێ مە ڤەگوهێزیت و ئەم خوین گەرم بووین و من گوت دێ ب سەركەفم و چمە كەل و پەلان هەتا بابێ من هێسترێ بینت و چوومە كەل و پەلێن خوە و چاڤێن من تێكچوون و من هزر كر مرنا منە و من گەلەك دوعاكرن و هێز من نەما دناڤا بەفرێ دا و هندەك رێكان ژووردانی بوو هەتا گەهشتینە خوارێ ل (كەتینەی) بارەگایەكێ پێشمەرگەی وێرێ بوو و هژمارەكا مەزن یا پێشمەرگەی بوو و سالا 1987 بوو و بەرەف سالا 1988 گۆتن دڤێت هێسترێن خوە نەبن چونكە ڤی دەمێ سالێ لەشكەرێ توركیا دهێتە سنوری ژ بەر پەكەكێ و كریارێن وان و ئەو چەند رۆژ بوو هێزەكا ئێكەتیێ هاتبوو دەڤەرێ و كەتبوو كەمینەكێ و توركا چەند ژێ كوشت بوون و شەش ئێكەتی ژی گرت بوون وی دەمی پرتوكولەك دناڤبەرا پەكەكێ و ئێكەتیێ هەبوو و ئەو هێزا پێشمەرگێ ئێكەتیێ هاتبوو گۆت بوو لەشكەرێ توركیا ئەم پارتی نە لەوما ئەو رێك هاتبوونەگرتن، هێزێن پێشمەرگەی رێكەكا دیتی بوومە دیت و مەفرەزەك ل گەل (مەلا یوسفێ نێروەیی) دەربازبوو و ئەم دووف داچین و دەربازبووین ژ رویباری و دونیا عەور بوو و مە نانێ خوە خوار و رابووین لەشكرێ توركی ئەم دورپێچ كرینە و چەتەك ل گەل بوو كوردی زانی و گۆت چەكێ خوە دان و خوە رادەست بكەن و چەكێ مە وەرگرت و پیرەمێرەكێ كورد ل گەل چەتا بوو و مە پوستێ لقێ رادەستی وی كر و من گۆتێ ئەگەر بگەهیە لقا ئێك ڤی پوستی رادەست بكە و ئەگەر نەگەهشتی ڤی پوستی ئاگری بەردێ و چەتا شیرەت ل مەكرن و گۆتن ئەگەر نڤێسین عەرەبی ل گەل هەوە بن دێ گیروبن ژبەر وەرگێرانێ لەوما ئەو پوستێ لقێ من رادەستكر و هندەك پوست ژی ل بن بەرا من دەمێ بهێن ڤەدانێ ڤەشارتن و برینە بارەگای نێزیك (بێروخێ) و گەلەك دیفچوون ل گەل مە هاتنەكرن و رۆژا دووڤ دا دو فرۆكە هاتن و جەنەرالەكێ جولەمێرگێ ل گەل بوو و ئەو ل گەل مە كومبوو و دیسا ل گەل مە ئاخفت و گوت دێ ئێك ژ هەوە ئازاد كەین بەرامبەر بوومە بچیت بەرپرسەكێ پەكەكێ بینت و بابێ من گەلەك عاجزبوو و گۆتێ هەوە بوومن گۆرگەكی ل سەرێ چیایی بینە و ئەم نوزانین پەكەكێ چیە و فرۆكەك چوو و ئەم ب فرۆكا دی برینە شەمدینا و دووڤ دا گەڤەرێ و برینە بن عەردی و دیفچوون ل سەر مە كر و ئەم برینە ئەمنا جولەمێرگێ و ئەو شەش ئێكەتیێن گرتی ژی وی جهی بوون و گەلەك دیفچوون ل گەل مەكر و ئەم ل زیندانێ بووین و ل گەل ڤێ چەندێ من خوە فێری زمانێ توركی كر و پشتی حەفت هەیڤان، باپیرێ من (تاهر بەگ) ب رێكا جەنابێ سەرۆك بارزانی بزافكرن هەتا ئەم هاتینە ئازادكرن و پێشمەرگێن ئێكەتیێ مانە زیندانێ دا و گەلەك نەخوشی مالا مە دیتن و هەر كەسەكێ چ ژ مە نەزانی.
سالم سەعید تاهر بەگ زێدەتر گۆت: ل ئەنفالێن سالا 1988ێ ئەم ل لقێ ئێك بووین و هێرشێن دوژمنی بەردەوام بوون ب هەر رێكەكا هەبیت و خەلك رەڤی بتنێ دا گیانێ خوە پارێزن و توركیا هەر زوی سنورێن خوە ڤەنەكرن و خەلكێ مە ب هەمی رێكا دەمێ چووی ل سەرێ(سێڤێ) و چەلێ مابوونە وێرێ و گەلەك مەتترسی بوو و مە دیفچوون كر مە ئاگەه ژ خوە هەبوو كو داپیرامە (ئەسمیخان) مایە ل گوندی و دایكا من گۆت چووبوو سەرا گوندیان دا و مە هزر كر ئەو یا ل گەل وان هاتی بەرامە و من گەلەك حەش پیرا خوە كر و من گۆت دێ چم پیرا خوە (ئەسمیخانێ )قورتال كەم و دەم بەری مەغرەب بوو و ل هێسترەكێ سیاربووم و گەلەك مرۆڤێن مە گۆتن نەچە و من هەر گۆت دێ چم پشتی ماوەكی برایێ من (عەبدوللا) ژی دووف من را هات و گۆ ناهێلم بتنێ بچی و حوكمەتا عیراقێ یا دەڤەرێ توپ باران دكەت و گەهشتینە هنداڤی گوندی و دەنگێ دوژمنی دهات،
ئەم هەر دو ل هنداف گوندی راوستیان و من گۆتە برایێ خوە تو ڤی جهی بە دێ چمە پیرا خوە گەرم و چووم ناف گوندی و خانی خانی من لێگەری یا و من نەزانی كیڤە یە و هەتا نێزیكی مالەكێ بووم دەنگێ داپیرا من من گولێ بوو و گازی من دكر و دلێ من گەلەك سوت و بتنێ ناڤێ من تینا و من دەرگەه پالدا و خوە من وەركر و ماچی كرم و من كرە پشتا خوە و بەرەف برایێ خوە چووم تاڤە هەیڤە و مە هندەك خوارن دا پیرا خوە و مە رێكا خوە گوهارت و سواركەتین ب سەلامەتی و بەرەف سنوری چووین مە چ مرۆڤ نەدیتن و رێكا سنوری هاتبوو ڤەكرن و هەمی چووبونە توركیا و بتنێ خێزانا مە نەچووینە توركی و چاڤەرێی هاتنا مە دكر و مە داپیرا خوە كرە پشتا خوە و هێدی هێدی هەتا دەربازبووین و مە چاڤدان ل سەر كر و گەهشینە ناف مللەتی و ل كەمپا (گەڤەرێ) ئاكنجیبووین و حوكمەتێ چادر رادەستی مەكرن و خەلكێ برسی و بریندار هەبوو و خەلكەكێ بەرزە هەبوو و مە وەك كادرێن پارتی بزاڤكرن خوە رێك بێخین دا تەنسیقێ ل گەل حوكمەتا توركی بكەین.
