ئێك دل
سەگڤان ئەحمەد
هەكەر من هەبان دو دل
دا دمە تە دلەكێ
بلا یێ دی مابا كول
ژ ئەڤینا چاڤ بەلەكێ
د سینگێ مندا ئێك دلە
ژ كەیف و خۆشییا سلە
چپكم ئەڤرۆ ئێخسیرە
بۆ خالا لسەر ئالەكێ
٭٭٭
هەمی خەمێن دنیایێ
كەتن سەر ئەڤی دلی
بهارا خەلكێ گەشە
یا دلی نە خەملی
دل بوو پایتەختێ خەما
بێ حالە هەمی دەما
ئەز و یار دا گەهین ئێك
بەس نە هێلا فەلەكێ
٭٭٭
كا ئەو كەلها ئەڤینێ
چپكم ئەڤرۆ كاڤلە
پشتی ئەڤینا یارێ
بێ هەڤالە ئەڤ دلە
نەمان ئەو ڕۆژێن بەرێ
كانێ كەنیا دلبەرێ
ژ من دویر كەت بئێك جاری
من دەست دانە كێلەكێ
٭٭٭
