ئێڤاریێن گوندێ مایێ
ئێڤاریێن گوندێ مایێ
دهستپێكهك بۆ كارهك پیرۆزتر…
ئیسماعیل بادى
خرڤهبوون و روونشتن و دانوستاندنێن رهوشهنبیرى و جڤاكى و ئابوورى و تهڤایا بابهتێن گرێدایى ب ژیانا خهلكێ ڤه ل ههر جههكێ بیت، دهسپێكا كارهكێ پیرۆزه و ئهڤه دێ بیته بنستر و بنیاتهك بۆ گهلهك كارێن مهزنتر و خزمهتێن ههژیتر.
ئهڤه بۆ حهفتیا دووێ یه ل گوندێ (مایێ) ل دهڤهرا بهروارى باڵا، ـ كو گوندهكێ ناڤداره ب زانا و رهوشهنبیران ـ خهلكێ گوندى كهفتینه چالاكیهكا رهوشهنبیرى و دهستپێشخهریهكا گهلهك جانه پێڕابووین، كو خهلكێ گوندى ئهڤێن ل وێرێ ههمى پێكڤه تێدا حازر دبن، ههروهسا ژلایێ وى خهلكى ڤه، بهرههڤى دهێنهكرن كا وێ حهفتییێ دێ بهرنامه چ بیت و كى دێ ئاخڤن.
ئهڤێ چالاكیێ دبیت گهلهك گوندێن دیتر ژى چاڤ لێ بكهن و ببیته هاندهرهك كو گهلهك بیرهوهرى و كهسایهتى پێ بهێنه ساخكرن و پهیوهندیێن جڤاكى پێ بهێته خورتكرن و ب دلهكێ خۆش گوندى پشكداریێ تێدا دكهن.
بهرچاڤترین كهسێ پێڕابوویى وهكو من دیتى و خوه وهستاندى و بیر و بۆچوونێن خهلكێ وهرگرتین ژبۆ ئهنجامدانا ڤى كارێ پیرۆز، هێژا نهزیف مایى و برایێ وى مامۆستا مهحفووز مایى بوون ل گهل هندهك كهسێن دیتر كو رۆلێ وان ژى تێدا گهلهكێ بهرچاڤه، وهكو سهیدایێ هیژا مهعصووم مایى، ئهڤ چالاكییه ل دانێ ئێڤارى ل ناڤ باخچێ مزگهفتا گوندى دهێنه برێڤهبرن، ژبهركو ئهو جه دكهڤیته نیڤا گوندى و ههمى خهلك دشێن بهێن پشكداریێ تێدا بهن.
د ڤان روونشتنان دا، هندهك كهس دهێنه دهستنیشانكرن كو ل سهر بابهتهكێ دهستنیشانكرى باخڤن وهكو بیرهاتن و خودان سهربۆڕ د وى كارى دا، حهفتیا ئێكێ وهكو من زانى بابهت ل دۆر مامۆستا یێن شورهشێ بوو، ئهوێن بووینه مامۆستا و دهرس گۆتین د ناڤ شۆرهشێ دا، ل دۆر سهربۆڕا خوه ئاخفتبوون، د گهل دا ژى، هندهك بێهنڤهدان وهكو گۆتنا ستران و سروودا ب دهنگێ كۆمهكا وان پشكداربوویا ئهو ئێڤار پێ هاته ب رهوش ئێخستن.
حهفتیا دووێ ژى، چهند بابهت هاتنه ئازراندن وهكو دیرۆكا گوندى و دیرۆكا ئاڤاكرنا مهدرهسهیا مایێ ئهوا ب ناڤودهنگ ل سهر دهمێ میرێن ئامێدیێ هاتیه ئاڤاكرن و بهرفرههكرن كو سهیدایێن وێ پتریا وان ههر زانا و رهوشهنبیرێن گوندێ مایێ بوون وهكو شێخ تاهایى و برایێ وى شێخ محهمهد تاهرێ بابێ نڤیسهڤان و شههید ئهنوهرێ مایى و گهلهكێن دیتر.
ب دیتنا مه، ئهڤ چالاكیه، زێده د پێدڤى نه بۆ خهلكێ ههمى گوندان بهێنهكرن، چنكو نوكه وهكو پێدڤى، ههڤبهندیێن جڤاكى لاواز بووینه و ب ڤى رهنگى دهێنه بهێزكرن، حهفتیا دووێ ئهم ژى هاتبووینه مێهڤان كرن و دهلیڤهیا پشكداریێ دا مه كو ئهو رهنج و بزاڤا مه ئهنجامدایى ل دۆر زانا و رهوشهنبیرێن گوندێ مایى بهرچاڤ بكهین، جهێ دلخۆشیێ بوون بۆ خهلكێ گوندى، كو مه هندهك ژ دیرۆكا رهوشهنبیرێن وان دایه نیاسین و بهرههمێن وان بۆ داینه نیاسین كو بهرى هینگێ د هندهك گۆتاران دا مه بهحس لێكر بوو.
ل دووماهیا چالاكیێ ژى، ژلایێ هندهك خانمێن چهلهنگ یێن گوندى، چایهكا خۆش ل گهل هندهك كاده و پێ خارنێن دى بۆ بهرههڤبوویان ئامادهكربوون و وان ل بهره ئهڤ بهرنامه ب ڤى دهستوودارى ههمى حهفتیان یێ بهردهوام بیت، بهلێ ههر ژنوكه هزر ل جهى دهێتهكرن كو وهرزێ پایزێ یه و یێ بهرب زڤستانێ ڤه دچن، كا ب چ رهنگ و چاوا و ل كیڤه بهردهوامیێ ب ڤێ چالاكیا دهسپێشخهر بدهن!.
