ئێکـەتیا ئۆرۆپا ژ پێلـەکـا نوو یا پەنابەران دترسـیت
بەرپرسەکێ ئێکەتیا ئۆرۆپا راگەهاند کو ئالۆزیێن نها ل سووریێ دێ کاریگەریا خوە ل سەر وەلاتێن دی یێن رۆژهەلاتا ناڤین ژی کەن، ئانکۆ تنێ بابەت سووریێ نینە و ژ بەر ڤێ یەکێ ژی دبیت جارەکا دی رێکخستنێن توندرەو و تیرۆرستی دەست ب کریارێن خوە بکەن و ئەو یەک ژی دێ بیتە ئەگەرێ روودانا شەڕێن ناڤخوەیی ل گەلەک وەلاتان و ژ بەر ڤێ یەکێ ژی دبیت ب ملیۆنان کەس ئاوارە بن و جارەکا دی ب هزاران وەلاتیێن سڤیل بەرێ خوە بدەنە وەلاتێن ئێکەتیا ئۆرۆپا.
هەمان بەرپرسی کو ناڤێ وی نەهاتیە ئاشکرا کرن بۆ ئاژانسا رویترز دیار ژی کریە، نها پڕانیا وەلاتێن ئێکەتیا ئۆرۆپا ژ بەر قەیرانا ئابووری ل دژی هاتنا پەنابەرێن بیانی نە، لێ مخابن ئالۆزیێن ل رۆژهەلاتا ناڤین دێ جارەکا دی بنە ئەگەرێ هاتنا پەنابەران بۆ ئۆرۆپا و دڤێت هەر ژ نها ڤە وەلاتێن ئێکەتیا ئۆرۆپا خوە بۆ هەر ئەگەرەکێ بەرهەڤ بکەن.
