ئێکگرتوو یا ئیسلامی ده‌رباره‌ی ریفراندۆمێ ل گه‌ل گۆرانێ کۆمبوو
ئه‌ڤرۆنیۆز،عه‌زیز ره‌سول هه‌ورامانی:
وەفدەکێ بلند یێ ئێکگرتوویا ئیسلامی سەرەدانا باره‌گایێ سەرەکی یێ بزاڤا گۆرانێ ل گرێ زەرگەتە ل باژێرێ سلێمانیێ ب سه‌رپە‌رشتیا سه‌لاحه‌دین محه‌مه‌د به‌هائه‌دین ئه‌میندارێ گشتی یێ ئێکگرتوویا ئیسلامی کریە،هەروەسا وه‌فدێ گۆرانێ ژی ب سه‌رپه‌رشتیا عومه‌رێ سه‌ید عه‌لیه بوویە.
ئەڤرۆ 12 تەمۆزا 2017 وەفدەکێ بلند یێ ئێکگرتوویا ئیسلامی کو پێکھاتبوون ژ (سەڵاحەدین بەھادین، عوسمان کاروانی، عومەر عەبدولعەزیز، عومەر مەلائیکە) گەهشتنە مەکۆیێ سەرەکی یێ بزاڤا گۆران ل باژێرێ سلێمانیێ و ژلایێ ھەر ئێک ژ (د. ئاسۆمەحمود، جەلال جەوھەر، عومەری سەید عەلی، محەمەد تۆفیق ڕەحیم و شۆڕش حاجی) ژ گۆرانێ هاتینە پێشوازیکرن.
سەمیر سەلیم هاریکارێ ئەمیندارێ گشتی یێ ئێکگرتوویا ئیسلامی دەربارەی ڤێ سەرەدانێ بۆ دەف گۆرانێ بۆ ئه‌ڤرۆ نیۆز ڕاگەیاندیە، کو سەرەدانا مە بۆ لایێ گۆرانێ بۆ گفتوگۆکرنێ ل سەر بارودۆخێ سیاسی یێ ھەرێمێ و ریفراندۆمێ و ئەو هوکار و پێشهاتێن کو روو ب روو ھەرێما كوردستانێ دبن.
ئەو ژی گۆتیە:دێ هه‌موو هه‌ولان دەین کو هه‌موو لایه‌نێن کوردی ب ئێک دەنگ به‌ره‌ف ریفراندۆمێ پێنگاڤان ب هاڤێژن.
