ئێکگرتیبن
سەگڤان ئەحمەد
دەرمانێ هەمی دەردا
ب تنێ ئێکگرتنە
قەد گوهنەدن نەمەردا
ل چار ڕەخا دوژمنە
ژ ناڤ خوە ڕاکن کینا
ئەڤە داخوازا منە
وەرن گرێکا ڤەکین
ژ دەف من ئەڤ بیرۆکە
گەر برینەك کەت لەشی
ب دەرزیێ نەکۆلە
تەڤ لەشی دێ ڤەگرت
ئاخ بۆ سەرێن خلۆلە
زەڤیا هیڤی و ئومێدا
گەلۆ بۆچی یا چۆلە
بوهار هات کانی زان
بتنێ یا مە نەزۆکە
بلا ڕۆژا مە بێتن
بەسە ئێدی تاری و شەڤ
کانیا گوندێ مە بزێتن
دەستێن خوە بێخن لناڤ هەڤ
ئاڤدین دارا ژیانێ
ببن ئێك دل و ئێك دەڤ
دوهی و پێر ژ بیر بکین
بچین دەستێن ئێك نوکە
لدیلانا کوردینیێ
گوڤەندێ بکن مل ب مل
سروودا ئازادیێ
پێکڤە بێژن ژجان و دل
ب شارینن دیلانێ
ئێکگرتیبن دەست و تل
ل ڤێ شەهیانا مەزن
مەم زاڤایە و زین بووکە
