ئێکەتیا ئورۆپا دێ ب تەمامی توركیا بێ هیڤی کەت
ئەڤرۆ نیۆز،زنار تۆڤی:
په‌رله‌مانێ ئێکەتیا ئورۆپا ل بەرە ب تەمامی توركیا بێ هیڤی بکەت،کو ببیته ئه‌ندام د ئێکەتیا ئورۆپا دا،ئەڤە ژی پشتی ئاماده‌كرنا پاكێجەكێ ل سه‌ر هندێ کو گفتوگۆكرن دەربارەی ئه‌ندامبوونا توركیا د ئێکەتیا ئورۆپا دا ب ئێکجاری بهێته داخستن.
كاتی پیر ریپۆرتەرا په‌رله‌مانێ هۆله‌ندا ل توركیا،د نڤێسینەکێدا ئاشكراکریە كو د كۆمبوونا ڤێ جارێ یا په‌رله‌مانێ ئورۆپا دا دێ گفتوگۆكرن دەربارەی ئه‌ندامبوونا توركیا د ئێکەتیا ئه‌ورووپا هێتە ئێکلاکرن،ئه‌ڤ چەندە هات پشتی کو پاكێجەك دڤی واری دا پێشکێشی په‌رله‌مانی هاتیەکرن.
ل دووڤ گۆتنا كاتی پیر کو ل رۆژناما سۆل یا توركی هاتیە بەلاڤکرن،په‌رله‌مانێ ئورۆپا دڤێت توركیا بێ هیڤی بکەت و گفتوگۆكرنێ دەربارەی ئه‌ندامبوونا توركیا د ئێکەتیا ئورۆپا دا ب تەمامی دابخیت، ئه‌ڤەژی پشتی کو ل سالا 2005 ب فه‌رمی په‌رله‌مانێ ئێکەتیا ئورۆپا گفتوگۆكرن دڤی واری دا ده‌ست پێكری،هەولێن جددی ددان داکو توركیا ببیته ئه‌ندام د وێ ئێکەتیێ دا.
ئەگەرێ هندێ کو توركیا بهێتە بێ هیڤی کرن د ئەندامبوونا ئێکەتیا ئورۆپا دا،ئه‌نجامدانا ریفراندۆمێ بوو بۆ هه‌مواركرنا ده‌ستۆرێ توركیا و گوهۆرینا سیسته‌مێ په‌رله‌مانی بوو بۆ سه‌رۆكایه‌تیێ،ئێکەتیا ئورۆپا دبێژیت ئه‌ڤ سیسته‌مه و ئه‌و ده‌ستۆرێ ل تورکیا هاتیە هه‌موارکرن ل گه‌ل پره‌نسیپێن ئێکەتیا ئورۆپا ئێک ناگرن.
