ئێکەتیا ئۆرۆپا: دێ گەڕەکا دی یا سزایان ل سەر ئیرانێ سەپینین
جۆزپ بۆریل بەرپرسێ سیاسەتا دەرڤە یا ئێکەتیا ئۆرۆپا راگەهاند، مخابن ئیران سۆزێن خوە بجه نائینیت و بەردەوام مافێن مرۆڤی ل ئیرانێ دهێنە بنپێکرن، رۆژانە ژی زۆرداری ل نەتەوێن دی دهێتە کرن و گەلەک کەس رۆژانە ژ بەر هزرێن خوە یێن جودا ل ئیرانێ دهێنە دەستەسەر کرن و زۆرداری ل وان دهێتە کرن، ژ بەر هندێ ژی وەکو ئێکەتیا ئۆرۆپا ئەو دێ سزایێن نوو ل سەر ئیرانێ سەپینن و دڤێت بەرپرسێن ئیرانێ دەست ژ هەلوەستێ خوە یێ خراب بەردەن و رێزێ ل مافێن مرۆڤی بگرن.
چاڤدێرێن سیاسی ژی دیار دکەن، هەلوەستێ ئێکەتیا ئۆرۆپا ل هەمبەر ئیرانێ بەردەوام یا لاواز بوویە و هەتا نها ژی ئێکەتیا ئۆرۆپا نەشیایە کاریگەریێ ل سەر هەلوەستێ ئیرانێ بکەت، ژ بەر هندێ ژی سزایێن نوو یێن کو ئێکەتیا ئۆرۆپا بەحسێ وان دکەت چو کاریگەریا خوە نابیت، چونکی ئەو یەک د دەمەکێ دایە ئیران ل گەل ئەمریکا دەست ب دانوستاندنان دکەت و بریارە ئەمریکا هندەک سزایێن ئابووری ل سەر ئیرانێ ژی راکەت، د دەمەکێ وەسا دا سزادانا ئیرانێ ژ ئالیێ ئێکەتیا ئۆرۆپا ڤە چو ئەنجامێن خوە نابن.
