ئێکەتیا ئۆرۆپا سەبارەت لوبنانێ هۆشداریێ ددەتە ئسرائیلێ
جۆزیپ بۆریل بەرپرسێ سیاسەتا دەرڤە یا ئێکەتیا ئۆرۆپا راگەهاند، نابیت ئسرائیل بزاڤا ڤێ یەکێ بکەت لوبنانێ ژی بکەتە پشکەک ژ شەڕێ نها ل گەل حەماسێ، ئەو یەک دێ ئەنجامێن خوە یێن گەلەک خراب بۆ رۆژهەلاتا ناڤین هەبیت، چونکی ئالۆزیێن نها هەکە بەرفرەه بن دێ کاریگەریا خوە ل گەلەک وەلاتێن دی ژی کەت، لوبنان گەلەک یا گرنگە، ئارامیا ل لوبنانێ ژ بۆ هەموو دەڤەرێ یا گرنگە، وەکو ئێکەتیا ئۆرۆپا ئەو ب چو رەنگەکێ رازی نابن لوبنان ببیتە پشکەک ژ شەڕێ نها یێ د ناڤبەرا ئسرائیل و حەماسێ دا.
ناڤهاتی ئەو یەک ژی دیار کر، وەکو ئێکەتیا ئۆرۆپا ئەو هۆشداریێ ددەنە ئسرائیلێ کو ب چو رەنگەکێ کار بۆ ڤێ یەکێ نەکەت لوبنانێ ژی راکێشیتە ناڤ شەڕی، ئەو یەک د بەرژوەندیا چو ئالیەکێ دا نینە و وەکو ئێکەتیا ئۆرۆپا ئەو رازی نابن کارەکی وەسا بهێتە کرن و دڤێت ئسرائیل ژی دەست ژ کارەکێ وەسا بەردەت.
