ئێکەتیا ئۆرۆپا: مەترسیا بهێزبوونا داعشێ یا هەی
ئالۆزیێن ڤێ دووماهیێ ل سووریێ و بهێزبوونا دەستەیا تەحریر شام مەترسیا بهێزبوونا گرۆپێن تیرۆرستی ل سووریێ زێدەتر لێ کریە و د ڤێ دەربارێ دا بەرپرسەکێ ئێکەتیا ئۆرۆپا بۆ ئاژانسا رویترز دیار کریە، یا نها ل سووریێ روو ددەت جهێ گومانێ یە، چونکی گرۆپێن چەکدار یێن ب ناڤێ تەحریر شام زۆرداریێ ل خەلکێ سڤیل دکەن و کریارێن وان ل هەمبەر خەلکێ مەدەنی ب چو رەنگەکێ ناهێتە قەبوول کرن.
هەمان بەرپرسی کو ناڤێ وی نەهاتیە ئاشکرا کرن ئەو یەک ژی دیار کریە، هەلوەستێ گرۆپێن چەکدار یێن حەلەب کۆنترۆل کری وەکو یێ داعشێ یە، دڤێت رێگری ل تەحریر شام و گرۆپێن دی بهێتە کرن، چونکی بهێزبوونا وان گرۆپان دێ بیتە ئەگەرێ بهێزبوونا داعشێ و گرۆپێن دی یێن تیرۆرستی ل سووریێ و بێگومان ئەو یەک دێ مەترسیا خوە بۆ هەموو جیهانێ هەبیت.
