ئێکەتیا ئۆرۆپا نەڕازیبوونا خوە ل هەمبەر ئسرائیلێ دیار دکەت
بەرپرسێ پەیوەندیێن دەرڤە یێ ئێکەتیا ئۆرۆپا راگەهاند، ئێرشێن بەردەوام یێن ئسرائیلێ ل باشورێ لوبنانێ دێ بنە ئەگەرێ ئالۆزیێن نوو د ناڤبەرا هەر دو ئالیان دا و ئەو یەک دێ کاریگەریا خوە ل رەوشا رۆژهەلاتا ناڤین ژی کەت، مخابن هەلوەستێ سەرۆک وەزیرێن ئسرائیلێ ل دۆر شەڕێ نها گەلەک خرابە و هەکە ئێرشێن ئسرائیلێ بەردەوام بن مەترسیا ڤێ یەکێ یا هەی شەڕ بگەهیتە هندەک دەڤەرێن دی یێن رۆژهەلاتا ناڤین و ئەو یەک د بەرژەوەندیا چو ئالیەکێ دا نینە.
جۆزیپ بۆریل ئەو یەک ژی دیار کر، وان وەکو ئێکەتیا ئۆرۆپا بەری نها هۆشداری داینە ئسرائیلێ کو نابیت ئەو خوە بۆ خوەدانا غەزە بزانیت، چونکی دڤێت خەلکێ فەلەستینێ بریارێ ل دۆر پاشەرۆژا غەزە بدەن، ژ بۆ چارەسەریا رەوشا نها ژی دڤێت شەڕ بهێتە راگرتن و دەست ب دانوستاندنان بۆ چارەسەریا پرسێن هەی بهێتە کرن، مخابن هەلوەستێ نها یێ ئسرائیلێ جهێ دلگرانیێ یە.
